რა უნდა ვიცოდეთ, სანამ WIZZ AIR-ის თვითმფრინავის ბორტზე ავალთ?

სამგზავრო დოკუმენტები

ავიაბილეთის დაჯავშნისას მგზავრის სრული სახელი უნდა შეიყვანოთ უშეცდომოდ; ზუსტად ისე, როგორც მითითებულია იმ სამგზავრო დოკუმენტში, რომლითაც იგი იმგზავრებს.

დაჯავშნისას შეცდომის დაშვების შემთხვევაში თქვენი რეისის მიმოხილვის გვერდზე შესაძლებელი იქნება სახელის შეცვლის უფასო ვარიანტით სარგებლობა, თუ შესწორებას საჭიროებს შემდეგი:

– არასწორი ტიტული (მამრობითი/მდედრობითი);

– შემოკლებული სახელი;

– მართლწერის ან მექანიკური შეცდომა.

სახელის ნებისმიერ სხვა ცვლილებასთან დაკავშირებით მიმართეთ საინფორმაციო ცენტრს დაჯავშნიდან 2 საათის განმავლობაში.

რა დოკუმენტები უნდა გქონდეთ თან?

რეისზე რეგისტრაციისას ან ჩასხდომის გასასვლელთან უნდა წარადგინოთ ყველა აუცილებელი და მოქმედი სამგზავრო დოკუმენტი. გარდა ამისა, საჭიროა სხვა ქვეყნებში შესვლისას შესაბამისი სამიგრაციო მოთხოვნების დაკმაყოფილება – რომლიდანაც, რომლის გავლითაც ან რომელშიც მიემგზავრებით. ხოლო თუ წესრიგშიარ გექნებათ პასპორტი, ვიზა ან სხვა საჭირო სამგზავრო დოკუმენტი და ქვეყანაში შესვლაზე უარს მიიღებთ, ტრანსპორტირების და სხვა ტიპის დამატებით ხარჯებზე პასუხისმგებელი თქვენვე იქნებით.

ჩვილ და მცირეწლოვან ბავშვებთან ერთად მგზავრობა

მოგზაურობა უფრო კომფორტული რომ იყოს, რამდენიმე სასარგებლო რჩევა უნდა გაითვალისწინოთ იმ მშობლებისგან, რომლებსაც ბავშვებთან მგზავრობის გამოცდილება აქვთ:

– დამატებითი პირადი ნივთი ბორტზე (40x30x20 სმ);

– პრიორიტეტული ჩასხდომა 2 ზრდასრულისთვისა და ბავშვების შეუზღუდავი რაოდენობისთვის, ყოველ ჩვილზე, რომელიც მგზავრობს;*

– საბავშვო დასაკეცი ეტლის ან მცირე პორტატული საწოლის ბორტზე უფასოდ ატანის შესაძლებლობა;

– ადგილების არჩევის საშუალება;

– ბორტზე შეგიძლიათ შეარჩიოთ ბავშვისთვის გასაფერადებელი წიგნები, სათამაშოები და მცირე ზომის საჩუქრები.

საბავშვო ეტლები თვითმფრინავის კართან ან ტრაპთან უნდა ჩააბაროთ ეკიპაჟის ერთ-ერთ წევრს, მათი უკან მიღება შეგიძლიათ თვითმფრინავიდან ჩასვლისას. საბავშვო ეტლებს უნდა მიემაგროს შესაბამისი იარლიყი სარეგისტრაციო ან ბარგის ჩაბარების დახლთან. თუ რეისზე ონლაინ რეგისტრაცია გაქვთ გავლილი და მხოლოდ ხელბარგით მგზავრობთ, ეტლისთვის იარლიყის მიმაგრება შესაძლებელია ჩასხდომის გასასვლელთანაც.

თუკი ავტოსავარძლის გამოყენებას აპირებთ, მის მოსათავსებლად დამატებითი ადგილის შეძენა დაგჭირდებათ ჩვეულებრივი ტარიფით. ავტოსავარძელი უნდა განთავსდეს ილუმინატორთან მდებარე ადგილზე. ჩვილის ავტოსავარძლის გვერდით მდებარე ადგილს უნდა იკავებდეს მშობელი(ზრდასრული).

– ბორტზე დაიშვება მხოლოდ უკან მიმართული საბავშვო ავტოსავარძლები;

– მას უნდა ჰქონდეს სპეციალური ფიქსატორი, რომლის მეშვეობითაც შესაძლებელი იქნება მისი საიმედოდ დამაგრება მგზავრის უსაფრთხოების ღვედით.

– ჩვილის ავტოსავარძლის მოთავსება ვერ მოხერხდება იმ რიგებში, რომლებიც მდებარეობს საევაკუაციო გასასვლელებთან, ან აღნიშნული რიგების უშუალოდ წინ ან უკან.

განსაკუთრებული დახმარება

მეტი ყურადღება უნდა მიაქციოთ იმ მგზავრებს, რომლებსაც აქვთ შეზღუდული შესაძლებლობები, ან განსაკუთრებულ დახმარებას საჭიროებენ.

უსაფრთხო და კომფორტული მგზავრობისთვის რეისის დაგეგმილ გამგზავრებამდე მინიმუმ 48 საათით ადრე უნდა შეატყობინოთ ავიაკომოანიას მგზავრის შეზღუდული შესაძლებლობის ან რაიმე სხვა მდგომარეობის შესახებ. ამ ტიპის მოთხოვნით მომართვა შესაძლებელია როგორც ინტერნეტით, ავიაბილეთის დაჯავშნისას, ისე განსაკუთრებული დახმარების საინფორმაციო ცენტრთან დაკავშირების მეშვეობით.

თუ განსაკუთრებულ დახმარებას საჭიროებთ, გთხოვთ, რეისის რეგისტრაციაზე გამოცხადდეთ დაგეგმილ გამგზავრებამდე 2 საათით ადრე.

ელექტრონული მოწყობილობები ბორტზე

– მობილური ტელეფონების, ელექტრონული წამკითხველებისა და პლანშეტების გამოყენება, ნებისმიერ რეისზე, მხოლოდ ფრენის რეჟიმში შეგიძლიათ.

– ლეპტოპები აფრენისა და დაფრენისას უნდა შეინახოთ.

– კარდიოსტიმულატორების, სმენის აპარატების, იმპლანტირებული სამედიცინო მოწყობილობებისა და ნერვების ელექტრონული სტიმულატორების გამოყენება შესაძლებელია შეზღუდვების გარეშე.

https://wizzair.com/ka-ge#/

მსგავს თემაზე: რა ღირს ბილეთი „ვიზეარის“ ახალ ევროპულ მიმართულებებზე ქუთაისიდან

„ვიზეარი“ 6 ახალი ევროპული მიმართულებით ფრენას პირველი აგვისტოს ნაცვლად 10 სექტემბრიდან დაიწყებს
კომენტარები