fbpx
საზოგადოებასაქართველოსპორტი

7 ოქრო, 2 ვერცხლი და 7 ბრინჯაო – ჭაბუკ ქართველ ძიუდოისტთა შთამბეჭდავი გამარჯვება ბერლინში

8 ივნისს გერმანიის დედაქალაქ ბერლინში გამართულ საერთაშორისო ტურნირში ძიუდოში საქართველოს უმცროს ჭაბუკთა ნაკრებმა შთამბეჭდავი შედეგი აჩვენა – ჩვენმა ძიუდოისტებმა 7 ოქროს, 2 ვერცხლის და 7 ბრინჯაოს მედალი მოიპოვეს. ნაკრების 18 სპორტსმენიდან 16-მა სხვადასხვა სინჯის მედალი აიღო.

ჩემპიონები გახდნენ: ლუკა  მოდებაძე (42 კგ), გიგი ლოლაძე (50 კგ), მათე ბერუაშვილი (55 კგ), ვახტანგ პავლიაშვილი (60 კგ), გაგა გაგაძე (81 კგ), გიორგი მაისურაძე (90 კგ), ბასა   რთველიაშვილი (+90 კგ); ორი ქართული ფინალი გაიმართა – 60 და 90 კგ წონით კატეგორიაში.

აღსანიშნავია, რომ ტურნირი ჩატარდა 2002-2004 წლებში დაბადებულთათვის, საქართველოს ნაკრები კი 2004-2005 წლებში დაბადებული ძიუდოისტებით იყო დაკომპლექტებული. საქართველოს ნაკრებს ახლავს მწვრთნელები – თამაზ კარიაული და დავით კობერიძე. ამჟამად სპორტსმენები ერთობლივ ვარჯიშებს აგრძელებენ უცხოელ ძიუდოისტებთან ერთად და სამშობლოში 12 ივნისს დაბრუნდებიან.

საერთაშორისო ტურნირში საქართველოს გარდა მონაწილეობდნენ გერმანიის, პოლონეთის, ჩეხეთის, შვედეთის, ესტონეთის, ბელარუსის ნაკრები გუნდები.

ნინო ხოშტარია

ოქრო – გიორგი მაისურაძე; ვერცხლი – გიორგი ხუჭუა; ბრინჯაო – არჩილ მამულაშვილი (მარცხნივ)
კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close