2020 წლის საბავშვო ევროვიზიის სიმღერის კონკურსის გამარჯვებული საფრანგეთის წარმომადგენელი ვალენტინა (Valentina) გახდა. ვალენტინამ შეასრულა სიმღერა J’imagine და 200 ქულა დაიმსახურა.
ქართველი კონკურსანტი სანდრა გადელია მე-7 ნომრად გამოვიდა, გიგა კუხიანიძის სიმღერით „შენ მარტო არ ხარ“ (You are not alone) და 111 ქულით მე-6 ადგილი დაიკავა.
საბავშვო ევროვიზიის კონკურსი პანდემიის გამო ნაწილობრივ დისტანციურ რეჟიმში მიმდინარეობდა. მასში 12 ქვეყნის წარმომადგენელმა მიიღო მონაწილეობა. მეორე ადგილზე ყაზახეთი გავიდა, მესამეზე – ესპანეთი.
შეგახსენებეთ, რომ საბავშვო ევროვიზიაზე საქართველოს წარმომადგენლებმა 3-ჯერ გაიმარჯვეს – 2008 წელს ანსამბლი „ბზიკები“ გახდა პირველი ადგილის მფლობელი, სიმღერით „ბზზზ“, 2011 წელს CANDY-მ მოიგო კონკურსი სიმღერით „CANDY MUSIC“, 2016 წელს კი მარიამ მამადაშვილი გახდა გამარჯვებული, სიმღერით „მზეო“.
კომენტარები