ქალი, რომელსაც 31 თითი აქვს (ვიდეო)

09/03/2020

636 Less than a minute

ინდოეთში, ოდიშის შტატის სოფელ კადაპადის მკვიდრს კუმარი ნაიაკს (KUMARI NAYAK) 31 თითი აქვს: 12 – ხელებზე და 19 – ფეხებზე.

ამის გამო თანასოფლელები 63 წლის კუმარის ჯადოქრად თვლიან და მასთან ურთიერთობას თავს არიდებენ.

ზედმეტ თითებს მედიცინის ენაზე პოლიდაქტილია ეწოდება და ამ დროს მათ ხშირად ქირურგიული გზით აცილებენ, თუმცა კუმარი ღარიბ ოჯახში დაიბადა და ოპერაციის გაკეთების საშუალება არასდროს ჰქონია.

შტატის ხელისუფლებამ ქალს ფინანსური დახმარება შესთავაზა. ამასთანავე, ისინი ცდილობენ სოფელში საგანმანათლებლო სამუშაოები ჩაატარონ, აუხსნან მოსახლეობას, რომ საბრალო ქალი ჯადოქარი არ არის, რომ მას სიყვარულით და თანაგრძნობით უნდა მოეპყრან, რადგან კუმარის უჩვეულო გარეგნობა თანდაყოლილი ანატომიური ანომალიის შედეგია.
მალე კუმარი ნაიაკს, როგორც The Mirror-ი იტყობინება, გინესის რეკორდების წიგნში შეიყვანენ.

წინა რეკორდსმენი, რომელიც წიგნში 2014 წელს ჩაწერეს, ასევე ინდოელია – დევენდრა სუტარი, მას ხელ-ფეხზე 14 თითი აქვს.