ლევან გელბახიანი კანის ფესტივალის 15 ყველაზე ნიჭიერ ვარსკვლავს შორის დაასახელეს

ქართველი მსახიობი ლევან გელბახიანი 2019 წლის კანის კინოფესტივალის ყველაზე ნიჭიერი ვარსკვლავების სიაში მოხვდა, რომელიც ამერიკულმა გამოცემამ W MAGAZINE-მა გამოაქვეყნა.

ლევან გელბახიანი შვედეთში მცხოვრები წარმოშობით ქართველი რეჟისორის, ლევან აკინის ახალ შვედურ-ქართულ ფილმში „და ჩვენ ვიცეკვეთ“ (And Then We Danced) მთავარ როლს ასრულებს. ფილმის პრემიერა კანის საერთაშორისო ფესტივალზე გაიმართა.

გამოცემის სიაში, აგრეთვე, მოხვდნენ ისეთი ცნობილი მსახიობები, როგორებიც არიან: უილიამ დეფო, ვერნერ ჰერცოგი, ანტონიო ბანდერასი და სხვები.

კანის კინოფესტივალი 14 მაისს გაიხსნა, გამარჯვებულებს კი 25 მაისს გამოაცხადებენ.

ნინო ხოშტარია

მოიწონეთ და გააზიარეთ 

მსგავს თემაზე: ირაკლი კვირიკაძეს ბერლინალეზე ჯილდო გადაეცა