ყველაზე გავრცელებული სახელები და გვარები – ნინო, გიორგი და ბერიძე კვლავ ლიდერობენ
როგორც მამაკაცის, ისე ქალის პოპულარული სახელები ყველა თაობაში სხვადასხვაა, თუმცა რამდენიმე მათგანმა ათწლეულებს გაუძლო და პოპულარობას დღემდე ინარჩუნებს. სახელმწიფო სერვისების განვითარების სააგენტოს ინფორმაციით, დღეისათვის საქართველოში მამაკაცის ყველაზე გავრცელებული სახელია გიორგი, ქალის კი – ნინო. ყველაზე მეტი გიორგი (63 651) და ნინო (42 598) თბილისშია რეგისტრირებული.
მამაკაცის პოპულარული სახელების პირველი ათეული:
სახელი/რაოდენობა
გიორგი – 191 390
დავითი – 92 642
ალექსანდრე – 41 270
ლუკა – 38 668
ნიკოლოზი – 36 239
ირაკლი – 35 940
ზურაბი – 31 606
ლევანი – 28 341
საბა – 25 893
ლაშა – 25 357
ქალის პოპულარული სახელების პირველი ათეული:
სახელი/რაოდენობა
ნინო – 115 120
მარიამი – 110 570
თამარი – 79 038
ანა – 47 662
მაია – 47 349
ნანა – 42 706
ნათია – 38 246
ელენე – 34 825
მანანა – 34 236
ქეთევანი – 32574
რაც შეეხება გვარებს, საქართველოში ყველაზე გავრცელებული გვარი ბერიძეა. ქვეყანაში 14 461 ბერიძეა რეგისტრირებული.
გვარი/რაოდენობა
ბერიძე – 14 461
მამედოვი – 13 652
კაპანაძე – 9507
ალიევი – 8927
გელაშვილი – 8793
მაისურაძე – 7602
გიორგაძე – 6728
ბოლქვაძე – 6237
ლომიძე – 6172
წიკლაური – 6143
სახელმწიფო სერვისების განვითარების სააგენტოს იშვიათი სახელებისა და გვარების შესახებაც გვაწვდის ინფორმაციას.
იშვიათი სახელები:
მილიარდი, ვებერთელა, მხედარი, ვინარი, კუკუშა, ედემი, ფუჩქი, ფიზიკა, პელე, გარინჩა, ნიუტონი, სევდაგულ, ფემისტოკლე, კეკლუცა, ნექტარი, ლამაზი, ვარგისო, მოქეიფე.
იშვიათი გვარები:
ავგაროზაშვილი, თერძიშვილი, კბილიანაშვილი, ზეცაშვილი, ზურმუხტაშვილი, კრიჭინაშვილი, ვარვარიძე, სურვილაძე, შავთვალიშვილი, უფროსაშვილი, თევდორიკაშვილი, ნამზითიშვილი, ბუჩუხიშვილი, ელკანაშვილი, სასურქინაშვილი, კვიტინი, ღვლიღვაშვილი, მონავარდიშვილი.
კომენტარები