რატომ სჭირდება თქვენს კომპანიას HR მომსახურება

ბიზნესის წარმატება მხოლოდ პროდუქტზე ან მომსახურებაზე არ არის დამოკიდებული. ადამიანური კაპიტალი ის ძალაა, რომელიც რეალურად განსაზღვრავს კომპანიის ზრდასა და მდგრადობას. სწორედ ამიტომ, ადამიანური რესურსების მართვა (HR) ბიზნეს სტრატეგიისთვის აუცილებელია. HR-ის არარსებობა ან ადამიანური რესურსების არასწორი მართვა სერიოზულ გამოწვევებთანაა კავშირში, როგორიცაა: თანამშრომელთა დემოტივაცია და სამართლებრივი რისკები. როდესაც ორგანიზაცია სტრუქტურულად მართავს ადამიანურ რესურსებს, ის უკეთ ინარჩუნებს გუნდს, იზიდავს პროფესიონალებს და ქმნის გარემოს, რომელიც ბიზნესის ზრდას უწყობს ხელს.

დღევანდელ ბლოგში დეტალურად განვიხილავთ, რატომ სჭირდება თქვენს კომპანიას HR მომსახურება.

HR-ის ძირითადი ფუნქციები და უპირატესობები

HR-ის მთავარი დანიშნულებაა ადამიანური კაპიტალის ეფექტური მართვა, რაც ბიზნესს როგორც სტაბილურობას, ისე განვითარების შესაძლებლობას აძლევს. პირველ რიგში, HR უზრუნველყოფს ადმინისტრაციული პროცესების გამართულობას: ხელფასების დროულ გაცემას, კონტრაქტების მართვასა და სოციალური ბენეფიტების სწორად დაგეგმვას.

გარდა ამისა, HR მნიშვნელოვან როლს ასრულებს თანამშრომლების განვითარებაში: სწორი კანდიდატების შერჩევით, ტრენინგებისა და კარიერული გეგმების შექმნით, კომპანია არა მხოლოდ ზრდის პროდუქტიულობას, არამედ ხელს უწყობს პროფესიონალთა მოზიდვასა და შენარჩუნებას.

ხშირად კომპანიები HR სერვისების აუთსორსინგს აკეთებენ, მაგალითად, ისეთ ხრისხიან და სანდო პარტნიორთან, როგორიცაა ლოიალტე – იგი გთავაზობთ ადამიანური კაპიტალის მართვასთან დაკავშირებულ კომპლექსურ HR მომსახურებას, რომელიც მოიცავს ბიზნესის საჭიროებებიდან გამომდინარე სრული HR ციკლის უზრუნველყოფას ან მისი ცალკეული კომპონენტების აუთსორსინგს.

თანამშრომელთა მოტივაცია 

ბიზნესის ზრდის ერთ-ერთი ყველაზე დიდი გამოწვევა კვალიფიციური კადრების შენარჩუნებაა. HR მომსახურება აქ მნიშვნელოვან როლს ასრულებს: სწორად ორგანიზებული ონბორდინგის პროცესი ახალ თანამშრომლებს სწრაფად აერთიანებს გუნდთან და ზრდის მათ მოტივაციას. ასევე, რეგულარული შეფასებების, კარიერული განვითარების გეგმებისა და თანამშრომლის დაფასების კულტურის დანერგვა ხელს უწყობს თანამშრომელთა ჩართულობას და ერთგულებას. შედეგად, ნაკლები ადამიანი გადადის სხვა სამსახურში, ხოლო კომპანიის რესურსები აღარ იხარჯება მუდმივ რეკრუტინგსა და ახალი კადრების გადამზადებაზე. მოტივირებული და სტაბილური გუნდი კი პირდაპირ აისახება ბიზნესის პროდუქტიულობასა და გრძელვადიან წარმატებაზე.

ზრდა და მასშტაბირება

კომპანიის განვითარების ერთ-ერთი ყველაზე კრიტიკული ეტაპია სწრაფი გაფართოება, რასაც თან ახლავს თანამშრომელთა რაოდენობის ზრდა და ახალი ბაზრების ათვისება. სწორედ აქ ხდება HR-ის როლი განსაკუთრებით თვალსაჩინო: სწორად დაგეგმილი ადამიანური რესურსების სტრატეგია უზრუნველყოფს, რომ გუნდი სტრუქტურულად გაიზარდოს და თითოეულ პოზიციაზე შესაბამისი კადრი განაწილდეს. გარდა ამისა, HR ხელს უწყობს ორგანიზაციული სტრუქტურის ჩამოყალიბებას ისე, რომ ის ეფექტურად მოერგოს კომპანიის მიზნებს და არ შეაფერხოს ოპერაციული პროცესები. ასეთი მიდგომა კომპანიას აძლევს შესაძლებლობას უსაფრთხოდ და სტაბილურად განვითარდეს.

HR აუთსორსინგის სარგებელი

ბევრი კომპანია ირჩევს HR მომსახურების აუთსორსინგს, რადგან ეს ხარჯების ოპტიმიზაციის ერთ-ერთი ყველაზე ეფექტური გზაა. საკუთარი HR დეპარტამენტის შექმნა მოითხოვს დიდ ფინანსურ და ადამიანურ რესურსებს, მაშინ როდესაც აუთსორსინგი კომპანიისთვის ხელმისაწვდომს ხდის გამოცდილი ექსპერტების ფართო ცოდნას. მცირე და საშუალო ბიზნესისთვის ეს განსაკუთრებით სასარგებლოა, რადგან უფრო მოქნილია საჭიროების მიხედვით სერვისის გაფართოება ან შემცირება. გარდა ამისა, აუთსორსინგი ამცირებს მენეჯმენტის დატვირთვას და აძლევს შესაძლებლობას კონცენტრირდეს ძირითადი ბიზნესის განვითარებაზე. შედეგად, კომპანია იღებს ხარისხიან მხარდაჭერას მინიმალური დანახარჯით.

შეჯამება

HR მომსახურება ნებისმიერი ზომის ბიზნესის პროდუქტიულობისთვის, ზრდისა და განვითარებისათვის უმნიშვნელოვანესია. ძირითადად, კომპანიები ამ სერვისების აუთსორსს ირჩევენ და ეს მიაჩნიათ ყველაზე ეფექტურ და ოპტიმალურ გზად. მზარდი ბიზნესისთვის მოტივირებული და პროფესიონალთა გუნდია საჭირო, სწორედ ამაში გეხმარებათ HR მომსახურება.