კვირის ასტროლოგიური პროგნოზი ზოდიაქოს ნიშნებისთვის, 21-27 ნოემბერი
კვირის დასაწყისი წარმატებას მოგიტანთ პირად ცხოვრებაში, საშუალებას მოგცემთ, ბიძგი მისცეთ ახალი ურთიერთობების განვითარებას. ახლა მეტი დრო უნდა დაუთმოთ ერთობლივ დასვენებას და გართობას. ახალი ნაცნობობა კვირის დასაწყისში წარმატებული იქნება. საპირისპირო სქესის მხრიდან თქვენ მიმართ ყურადღება გაიზრდება. რეკომენდებულია არ იჩქაროთ რაიმე ურთიერთობის დაუყოვნებლივ დაწყება. ჯერ უკეთ გაიცანით ადამიანი, რომელიც გაინტერესებთ. შაბათ-კვირამდე უფრო გაიზრდება ვნება, აქტიურობა და ენერგიულობა. შეეცადეთ თავიდან აიცილოთ ვულგარულობა, აგრესიულობა. ენერგია კონკრეტულ საქმეებზე უნდა იყოს მიმართული. უფრო თანმიმდევრულად უნდა იმოქმედოთ, მაშინ ეს დრო შეიძლება ძალიან ნაყოფიერი აღმოჩნდეს.
ვარსკვლავები ამ კვირაში ხელსაყრელ ცვლილებებს გპირდებიან. პროფესიულ სფეროში საშუალება გექნებათ, იხელმძღვანელოთ თქვენი იდეებით და დაამტკიცოთ მათი ღირებულება. შრომისმოყვარეობისთვის ხელმძღვანელობისგან დამსახურებულ აღიარებასა და მადლიერებას მიიღებთ და ახალი კარიერული შესაძლებლობები გაგეხსნებათ. ძალიან კარგი დროა მეწარმეებისთვის. ხუთშაბათს შემოქმედებითი განწყობა საშუალებას მოგცემთ, გააოცოთ მეგობრები და კოლეგები ახალი იდეებით. პირად ცხოვრებაში მოგიწევთ ვინმესთვის რაღაცის დამტკიცება.
სასიკეთო დღეები: 22, 25.
არასასიკეთო დღე: 23.
კურო
ამ კვირაში შესაძლოა ხელსაყრელი ვითარება შეიქმნას სამსახურში ამბიციური გეგმების განსახორციელებლად. შეეცადეთ, მშვიდად და გაწონასწორებულად მოიქცეთ მაშინაც კი, თუნდაც ჩანდეს, რომ ყველაფერი არასწორად მიდის. ფრთხილად უნდა იყოთ და დაელოდოთ მნიშვნელოვან გადაწყვეტილებებს, რათა თავიდან აიცილოთ მატერიალური დანაკარგები. ურთიერთობაში ზოგიერთმა პრობლემამ შეიძლება უარყოფითად იმოქმედოს თქვენს განწყობაზე. შეეცადეთ, ემოციებს არ აჰყვეთ და კონფლიქტი მშვიდობიანად მოაგვაროთ. შაბათ-კვირას კარგად დასვენება გჭირდებათ, რომ ენერგია აღიდგინოთ.
სასიკეთო დღეები: 21, 26.
არასასიკეთო დღე: 24.
ტყუპი
ამ კვირაში სასურველია გამოავლინოთ მეტი ფანტაზია, იუმორის გრძნობა და ოპტიმიზმი. ეცადეთ, ყველგან იპოვოთ არასტანდარტული გადაწყვეტილებები, რაც დაგეხმარებათ წარმატების მიღწევაში. თუ მოახერხებთ, რომ ნაკლები ილაპარაკოთ და მეტი მოისმინოთ, ელოდეთ დამსახურებულ ჯილდოს. ფინანსური თვალსაზრისით, თქვენთვის ყველაფერი საკმაოდ უსაფრთხოდ გამოიყურება. მაგალითად, გაზრდილი შემოსავლის წყალობით შეგიძლიათ დიდი ხნის ნანატრი ნივთები შეიძინოთ. პირადი ცხოვრება ბევრ სასიამოვნო მომენტს მოგიტანთ და გაგახალისებთ. კვირას გაცნობილი ადამიანი შესაძლოა თქვენი საიმედო მეგობარი გახდეს.
სასიკეთო დღეები: 21, 27.
არასასიკეთო დღე: 22.
შეიძლება შინაგანმა წინააღმდეგობებმა დაგტანჯოთ, რაც უარყოფითად იმოქმედებს თქვენს შრომისუნარიანობაზე. არ არის გამორიცხული, წარმოიქმნას არაპროგნოზირებადი სიტუაცია, რომელიც სწრაფ გადაწყვეტილებებს მოითხოვს, მაგრამ უმჯობესია რამდენიმე სარეზერვო ვარიანტი მოიფიქროთ. ოთხშაბათს შეგიძლიათ ელოდოთ წარმატებებს პროფესიულ საქმიანობაში. ნუ დაივიწყებთ ოჯახს, არავითარ შემთხვევაში არ გადაიტანოთ თქვენი გაღიზიანება საყვარელ ადამიანებზე. პირიქით, საყვარელი ადამიანების თანადგომა და ოჯახთან ერთად დასვენება დაგამშვიდებთ და სტრესს მოგიხსნით.
სასიკეთო დღეები: 23, 27.
არასასიკეთო დღე: 21.
მოდის ნაყოფიერი, მაგრამ ერთფეროვანი სამუშაოს დრო, თუმცა სწორედ მასში შეგიძლიათ დაამტკიცოთ საკუთარი თავი, როგორც ძლიერმა პიროვნებამ. რაც არავითარ შემთხვევაში უნდა გააკეთოთ ამ კვირაში – სამუშაო არ შეიცვალოთ. სამშაბათს მოთმინება და შრომა ნამდვილად მოგცემთ შედეგს, თუმცა ამას დიდი ძალისხმევა დასჭირდება. თქვენი იდეები და პროექტები მოთხოვნადი იქნება და მნიშვნელოვან დივიდენდებს მოგიტანთ. ოთხშაბათს არ უნდა დაგეგმოთ კონფერენციები და შეხვედრები. ხუთშაბათს მშვიდობიანად განაგრძეთ თქვენი საქმე, სხვის საქმეებში ჩარევის გარეშე. პირად ცხოვრებაში სიმშვიდე და ჰარმონიაა. მარტოხელა ადამიანებს რომანტიკული ნაცნობობა ელოდებათ.
სასიკეთო დღეები: 23, 26.
არასასიკეთო დღე: 25.
ამ კვირაში შეიძლება თქვენთვის ახალ, ცხოვრების უფრო მნიშვნელოვან ეტაპზე გადასვლა მოხდეს. შეეცდებით წარმატებით განახორციელოთ თქვენი იდეები და თამამი გეგმები, რითაც თქვენს ავტორიტეტს აიმაღლებთ კოლეგებისა და ხელმძღვანელობის თვალში. თქვენი ოპტიმიზმი და თავდაჯერებულობა დაგეხმარებათ, გაუმკლავდეთ ნებისმიერ გამოწვევას. ინტუიცია გამძაფრდება, შესაძლოა წინასწარმეტყველური სიზმარიც ნახოთ, თუმცა ბევრად უფრო წარმატებით გადაჭრით სხვის პრობლემებს, ვიდრე საკუთარს. ბრმად ნუ ენდობით სხვა ადამიანების მოსაზრებებს მაშინაც კი, თუ ისინი თქვენს თვალში დიდი ავტორიტეტით სარგებლობენ. გამოიჩინეთ ინიციატივა შაბათ-კვირას, მოემზადეთ ახალი ნაცნობობისთვის.
სასიკეთო დღეები: 22, 27.
არასასიკეთო დღე: 23.
მიზანშეწონილია მშვიდად და აურზაურის გარეშე აკეთოთ ბიზნესი და საოჯახო საქმეები. ეს კვირა, სავარაუდოდ, შესაფერისი დრო იქნება მრავალი საკითხის გადასაჭრელად, რომლებიც შეჩერებულია. თქვენს ნიჭს შეამჩნევენ და დააფასებენ. ახალი კონტაქტების, მომგებიანი გარიგებების წყალობით შეგიძლიათ გაზარდოთ შემოსავალი, დიდია ალბათობა, რომ დაწინაურების შეთავაზება მიიღოთ. მუშაობისადმი შემოქმედებითი მიდგომა ხელშესახებ შედეგს მოიტანს. ხუთშაბათს შეიძლება გაიგოთ მნიშვნელოვანი ინფორმაცია, რომელიც შესანიშნავ პერსპექტივებს გაგიხსნით. შაბათ-კვირას ეცადეთ, მეტი დრო გაატაროთ შვილებთან.
სასიკეთო დღეები: 23, 26.
არასასიკეთო დღე: 21.
მორიელი
საინტერესო და დატვირთული კვირა იწყება. ვარსკვლავების გავლენა დადებითად იმოქმედებს თქვენს პროფესიულ ცხოვრებაზე, სამსახურში შეძლებთ თქვენი ავტორიტეტის განმტკიცებას. ბევრის გაკეთების, წარმატების და მოგების მიღების შანსი გექნებათ. ძალის მოზღვავებას იგრძნობთ, თითქოს მეორე სუნთქვა გაიხსნება. მიუხედავად დამატებითი პასუხისმგებლობისა და გაზრდილი სამუშაო საათებისა, ენერგიით სავსე იქნებით და ყველა თქვენი დავალების წარმატებით შესრულებას შეძლებთ. ამ კვირაში, ასევე, გელით ოჯახური ურთიერთობების რომანტიკა, სიმშვიდე და ჰარმონია. დაუთმეთ შაბათ-კვირა დასვენებას და გართობას.
სასიკეთო დღეები: 22, 23.
არასასიკეთო დღე: 26.
მშვილდოსანი
ამ კვირაში, როგორც ჩანს, განსაკუთრებით მეოცნებე ხართ, მაგრამ სიფრთხილე არ დაგაზარალებთ, რადგან ოცნებები შეიძლება ახდეს და მერე რას გააკეთებთ, ამაზე გიფიქრიათ? ფოკუსირება მოახდინეთ უმთავრესზე, ნუ დაკარგავთ დროს ცარიელ საუბრებზე. გახსოვდეთ, რომ ნებისმიერი პრობლემის დაძლევა შესაძლებელია, თუ რთულ დროს დახმარებისთვის მეგობრებს მიმართავთ. შაბათ-კვირას მხიარულება და გართობა ისე გაგიტაცებთ, რომ დაგავიწყდებათ, ბოლოს როდის იყავით დაბნეული ან მოწყენილი. მარტოხელა მშვილდოსნებს რომანტიკული კვირა ელით.
სასიკეთო დღეები: 21, 24.
არასასიკეთო დღე: 22.
ეს კვირა, სავარაუდოდ, ახალ პოზიტიურ პერსპექტივებს გააჩენს თქვენს ცხოვრებაში, მიგითითებთ მიზნებსა და ვალდებულებებზე, განსაკუთრებით პროფესიულ სფეროში. თავდაჯერებულად იგრძნობთ თავს ყველაზე ამბიციური გეგმების განხორციელებაში. ამავე დროს, უნდა დაასრულოთ ის, რაც დაიწყეთ და გამოიტანოთ გარკვეული დასკვნები. გახსოვდეთ, რომ საკუთარ სამყაროს თავადვე ქმნით მრავალი გზით. ასე რომ, დაისახეთ მიღწევადი მიზნები. ოთხშაბათი და ხუთშაბათი შეიძლება იყოს კვირის ყველაზე რთული და დატვირთული დღეები. შაბათს შეიძლება ნათესავებთან კამათი მოგიხდეთ. იყავით კორექტული და ეცადეთ, სიმშვიდე შეინარჩუნოთ, თუმცა თქვენი აზრი დაიცავით.
სასიკეთო დღეები: 25, 27.
არასასიკეთო დღე: 22.
ორშაბათი წარმატებული დღეა საქმიანი მოგზაურობისთვის და შორ მანძილზე მოგზაურობის დასაწყებად. იდეები, რაზეც მთელი კვირის განმავლობაში ფიქრობთ, დაუყოვნებლივ უნდა შემოწმდეს პრაქტიკაში. დეტალებს ახლა გადამწყვეტი მნიშვნელობა ექნება – შეეცადეთ სათანადო ყურადღება მიაქციოთ მათ, მაგრამ ჯობს, თავგადასავალში არ ჩაერთოთ და სამსახურში ინტრიგებში არ მიიღოთ მონაწილეობა. სასურველია, ლოგიკურად და მოკლედ გამოხატოთ თქვენი აზრები, შემდეგ შეხვედრები და მოლაპარაკებები წარმატებული იქნება. ეს, დიდი ალბათობით, გზას გაუხსნის თქვენს პროფესიულ და კარიერულ ზრდას და თქვენს პირად ცხოვრებაზეც დადებითად აისახება.
სასიკეთო დღეები: 23, 25.
არასასიკეთო დღე: 22.
ამ კვირაში სამსახურში ნუ გადატვირთავთ თავს ზეგანაკვეთური შრომით, საქმეს მაინც ვერ მორჩებით. ოთხშაბათს განსაკუთრებით ბევრი საქმე გექნებათ, თუ ვერ უმკლავდებით მათ, მაშინ დახმარება მეგობრებს და კოლეგებს სთხოვეთ. კვირის ბოლოს კონსტრუქციული საუბარი იქნება ხელმძღვანელობასთან, მოგისმენენ და დაგაფასებენ. შეეცადეთ იპოვოთ ბალანსი პირად ცხოვრებასა და სამსახურს შორის, რათა პრობლემები არ შეგექმნათ ოჯახთან და საყვარელ ადამიანებთან ურთიერთობაში. სასურველია შაბათ-კვირა მარტომ გაატაროთ და კარგად დაისვენოთ.
სასიკეთო დღეები: 21, 27.
არასასიკეთო დღე: 24.
თამთა გურული
კომენტარები