ნიკოლოზ ბასილაშვილმა სამხრეთ კორეის დედაქალაქ სეულში გამართულ 100-ქულიან ჩელენჯერის ტურნირში გაიმარჯვა.
ფინალში ქართველი ჩოგბურთელი იაპონელ ტარო დანიელს შეხვდა, რომელიც ტურნირზე პირველ ნომრად იყო განთესილი. ბასილაშვილმა პირველი სეტი ცუდად დაიწყო და 2:5-ს აგებდა კიდეც, მაგრამ შემდეგ თამაში შემოატრიალა და გამარჯვების მოპოვება შეძლო. მან მეტოქე ორ სეტში დაამარცხა – 7:5, 6:4.
ფინალისკენ მიმავალ გზაზე ნიკოლოზმა ფრანგი ატმანე, ტაივანელი ვუ და იაპონელი მორია დაამარცხა, ხოლო ნახევარფინალში კი ბასილაშვილი ავტომატურად გახდა გამარჯვებული, რადგან მისმა მოწინააღმდეგემ, ფრანგმა ჩოგბურთელმა ესკოფიერმა ტრავმის გამო თამაში ვერ შეძლო
ამ გამარჯვებით ბასილაშვილმა საპრიზო თანხა – 18 230 აშშ დოლარი გამოიმუშავა (ტურნირის მთლიანი საპრიზო ფონდი 133 250 იყო), აგრეთვე, 100 სარეიტინგო ქულა მიიღო და ATP-ს რეიტინგში 215-ე ადგილზე გადაინაცვლებს.
ცნობისათვის, საქართველოს პირველ ჩოგანს, 32 წლის ნიკოლოზ ბასილაშვილს ATP-ის კლასიფიკაციაში მე-16 ადგილი ეკავა და უმაღლესი კატეგორიის ხუთი ტურნირი აქვს მოგებული.
ეს ტურნირი კი მეექვსე ჩელენჯერია, რომელიც ნიკოლოზ ბასილაშვილმა კარიერის განმავლობაში მოიგო და 2016 წლიდან კი – პირველად.
Capturing the title! 🏆⚡️
Nikoloz Basilashvili claims a 6th Challenger title, his first since 2016, conquering Daniel 7-5, 6-4 in Seoul 👏#ATPChallenger | @nikolozbasilash pic.twitter.com/raQqeXLZpD
— ATP Challenger Tour (@ATPChallenger) November 3, 2024
ნუცა ყაველაშვილი
კომენტარები