ხანძარი ატიკაში – ვერტმფრენიდან გადაღებული შოკის მომგვრელი ვიდეო

კლიმატის კრიზისისა და სამოქალაქო დაცვის მინისტრმა ვასილის კიკილიასმა X პლატფორმაზე პირად ანგარიშზე გამოაქვეყნა ვიდეო დრონიდან, რომელმაც ვარნავაში ხანძარი აღმოაჩინა. პარნიტის რაიონში, ვარნავაში ხანძრის გაჩენის მომენტი დრონის კამერამ დააფიქსირა.

ხელისუფლების ცნობით, ოთხი წუთის შემდეგ, რაც დრონმა ცეცხლის კერა აღმოაჩინა, პირველი ვერტმფრენი მოფრინდა, რომელმაც ერთი წუთის შემდეგ წყლის პირველი ნაკადი დაღვარა. შვიდ წუთში ადგილზე იყო პირველი სახმელეთო ძალები.

pic.twitter.com/8aYKMntFhk

— Vassilis Kikilias (@Vkikilias) August 13, 2024

ევროპულმა სააგენტომ Copernicus-მა გამოაქვეყნა მონაცემები ატიკაში ხანძრის შესახებ. სააგენტოს კარტოგრაფიული ჯგუფი მივიდა დასკვნამდე, რომ ხანძრის ფრონტი 23 კმ-ზე გავრცელდა. ქვემოთ მოყვანილი რუკის მიხედვით ჩანს, რომ ხანძრის აქტიური კერების რაოდენობა იყო 168, რომელთა წინააღმდეგაც მეხანძრეები იბრძოდნენ.

„კოპერნიკუსის“ მიერ 14 აგვისტოს, დღის მეორე ნახევარში გამოქვეყნებული ახალი მონაცემების თანახმად, ხანძრის შედეგად დამწვარია 104 090 ჰექტარი, აქტიური კერების რაოდენობა კი ბოლო 24 საათში 168-იდან 5-მდე შემცირდა.

#EMSR746

Our #MappingTeam has released the 2nd Delineation Product for the #wildfire near #Athens 🇬🇷

As of 13 August, 09:33 UTC, the following was detected:
➡️ A total burnt area of 10,409 ha (+1,815 ha in 24 hrs)
➡️ Active flames reduced to 5 from 168 in the past 24 hrs 🔥 pic.twitter.com/DsTZk6XKMn

— Copernicus EMS (@CopernicusEMS) August 14, 2024

კლიმატის კრიზისისა და სამოქალაქო დაცვის სამინისტროში 13 აგვისტოს პრემიერ-მინისტრ კირიაკოს მიცოტაკისის ხელმძღვანელობით გამართულ მინისტრთაშორის შეხვედრაზე ცნობილი გახდა, რომ დამწვარი ტერიტორიების 10% ტყეა, ხოლო დაახლოებით 100 სახლი დანგრეულია, თუმცა ზუსტი რიცხვები ხვალინდელი რეგისტრაციის დასრულების შემდეგ გახდება ცნობილი.

ნინო ბაჯელიძე