ისლანდიის სამხრეთ-დასავლეთში მდებარე რეიკიანესის ნახევარკუნძულზე ვულკანი ამოიფრქვა. ახლომდებარე ქალაქ გრინდავიკიდან ევაკუირებულია 4 000-მდე ადამიანი. დროებით დაიხურა ამ რაიონში მდებარე გეოთერმული წყლების კურორტი.
ისლანდიის მეტეოროლოგიური სამსახურის ინფორმაციით, ვულკანი ქალაქ გრინდავიკიდან ჩრდილოეთით, დაახლოებით სამ კილომეტრში ამოიფრქვა 18 დეკემბერს ღამით, ადგილობრივი დროით 22:17 საათზე. მას წინ უძღოდა მიწისძვრა.
სპეციალისტები აღნიშნავენ, რომ ეს ბოლო წლებში ყველაზე ძლიერი ამოფრქვევაა. ისლანდიის მეტეოსამსახურის ცნობით, ვულკანის ნაპრალი დაახლოებით 3,5 კილომეტრია, ლავის დინების სიჩქარე – წამში 100-200მ³.
კომენტარები