ხვიჩა კვარაცხელიამ იტალიის ჩემპიონატში ახალი რეკორდი დაამყარა (ვიდეო)
„ნაპოლის“ 22 წლის ქართველმა ლეგიონერმა ხვიჩა კვარაცხელიამ იტალიის ჩემპიონატში მორიგი რეკორდი დაამყარა გატანილი გოლებისა და ასისტების (საგოლე გადაცემა) რაოდენობით; ამგვარი შედეგის მიღწევა ბოლო 20 წლის განმავლობაში ხვიჩას გარდა მხოლოდ 2-მა ფეხბურთელმა შეძლო. ამის შესახებ ინფორმაციას ფეხბურთის სტატისტიკისა და ანალიზის გვერდი „ოპტა“ ავრცელებს.
სერია A-ს მიმდინარე სეზონში კვარამ 15 შეხვედრაში ითამაშა, 5 გოლი გაიტანა და სამი საგოლე გადაცემა გააკეთა, წინა სეზონში (2022-2023) კი, რომელიც მისთვის სადებიუტო იყო იტალიის ჩემპიონატში, ქართველმა ფეხბურთელმა „ნაპოლის“ მიერ გატანილ 22 გოლში მიიღო მონაწილეობა: 12 თავად გაიტანა და 10 საგოლე გადაცემა შეასრულა.
„ხვიჩა კვარაცხელიამ სერია A-ში 49 მატჩი ჩაატარა და 30 გოლში მიიღო მონაწილეობა – 17 გოლი გაიტანა და 13 საგოლე გადაცემა შეასრულა. 2004-2005 წლებიდან მოყოლებული, ხვიჩა მხოლოდ მესამე ახალგაზრდა ფეხბურთელია, რომელსაც იტალიის ჩემპიონატში ჩატარებულ პირველ 50 მატჩში ასეთი მაჩვენებელი დაუგროვდა.
მასზე ახალგაზრდები, რომლებმაც მსგავსი შედეგი აჩვენეს, მხოლოდ დომენიკო ბერარდი და ალეშანდრო პატო იყვნენ. ბერარდი „სასუოლოს“ შემადგენლობაში ჩატარებულ პირველ 42 მატჩში 31 გოლში მონაწილეობდა, ხოლო პატომ „ინტერისა“ და „მილანის“ შემადგენლობაში გამართულ თავის პირველ 45 შეხვედრაში 30 გოლში შეიტანა წვლილი“, – წერს „ოპტა“.
30 – Khvicha Kvaratskhelia has been involved in 30 goals (17 goals, 13 assists) in 49 Serie A games; since 2004/05 only Berardi (31 in his first 42) and Pato (30/45) had a hand in 30+ goals as younger than him before reaching the first 50 league matches. Sprint.#NapoliCagliari pic.twitter.com/fPGgqBRLQa
— OptaPaolo (@OptaPaolo) December 16, 2023
კომენტარები