მადრიდში, M-40 მაგისტრალზე ვერტმფრენი ჩამოვარდა
ავარია მადრიდის სავაჭრო-საგამოფენო დაწესებულების (IFEMA) მახლობლად მოხდა, სადაც ამჟამად საავიაციო გამოფენა European Rotors-ი მიმდინარეობს.
დაშავდა სამი ადამიანი: ვერტმფრენის ორი მგზავრი და M-40 მაგისტალზე მოძრავი ავტომანქანის მძღოლი.
პირველი დეკემბრის დილით, გაურკვეველი მიზეზების გამო, მადრიდის შემოვლით მაგისტრალზე M-40 ვერტმფრენი ჩამოვარდა, რასაც მსხვერპლი არ მოჰყოლია.
ჩამოვარდნილი ვერტმფრენი კამპო-დე-ლას ნასიონესში, მაგისტრალის შუა სავალ ზოლში, იმ ადგილის მახლობლად დაეცა, სადაც ბოლო რამდენიმე დღის განმავლობაში საავიაციო გამოფენა European Rotors-ი იმართება. შემთხვევის ადგილზე მადრიდის საქალაქო საბჭოსა და კომპანია Samur-Protección Civil-ის რამდენიმე სახანძრო-სამაშველო ბრიგადა მივიდა.
🔴ÚLTIMA HORA | Un helicóptero ha caído en plena M-40 de Madrid a la altura del kilómetro 6
▪ Las dos personas que viajaban en él han resultado heridas y estarían siendo atendidas
🎙@RTVEMadridhttps://t.co/lMToc173VA pic.twitter.com/NdCOOsjxqU
— Radio 5 (@radio5_rne) December 1, 2023
ინციდენტის შედეგად სამი ადამიანი დაშავდა, რომელთაგან ორი ჩამოვარდნილ ვერტმფრენში იმყოფებოდა. ერთ-ერთმა მათგანმა ვერტმფრენიდან გამოსვლა დამოუკიდებლად შეძლო, მეორეს კი მეხანძრე-მაშველები დაეხმარნენ. ორივე საავადმყოფოში გადაიყვანეს, ერთი – თავის მცირე ტრავმით, მეორე კი – ბარძაყის შესაძლო მოტეხილობით.
მესამე დაზარალებული M-40-ზე მოძრავი მანქანის მძღოლია, რომელმაც მინის ნამსხვრევებისგან მცირე ჭრილობები მიიღო.
კომენტარები