საფრანგეთში საქართველოს მოქალაქეები დააკავეს პუშკინის იშვიათი გამოცემების ქურდობისთვის
საფრანგეთში დააკავეს საქართველოს სამი მოქალაქე ბიბლიოთეკიდან ალექსანდრ პუშკინის იშვიათი გამოცემების ქურდობის ბრალდებით. ამის შესახებ გამოცემა Journal du Dimanche იტყობინება.
გამოცემის ცნობით, რუსი პოეტის ნაწარმოებები ბოლო დროს ბაზარზე ძალიან მოთხოვნადია.
დაკავებული არიან 24, 26 და 44 წლის ერთი კაცი და ორი ქალი.
ისინი პარიზის გარეუბანში, ნანტერში, ხელოვნების ნიმუშებით უკანონო ვაჭრობის წინააღმდეგ ბრძოლის ცენტრალურ ბიუროში იმყოფებიან.
იუწყებიან, რომ პირველი ქურდობა ივლისში ლიონის ბიბლიოთეკაში მოხდა, სადაც ვიზიტორმა ორიგინალი ასლით შეცვალა. ოქტომბრის დასაწყისში კი ორი სამართალდამრღვევი პარიზის ენებისა და ცივილიზაციების ეროვნულ ინსტიტუტში შეიჭრა, ათამდე ხელნაწერი გაიტაცა და ადგილიდან თანამზრახველის ავტომობილით მიიმალა.
გამოცემის თანახმად, ლაპარაკია ან გამოცემების შავ ბაზარზე კოლექციონერებისთვის გადაყიდვაზე, ან ევროპაში არსებული რუსული კულტურული მემკვიდრეობის ნაწილის რუსეთში დაბრუნებაზე.
radiotavisupleba.ge
კომენტარები