შოკისმომგვრელი ტრაგედია საბერძნეთში – ჟურნალისტი მშობიარობამდე 24 საათით ადრე მოულოდნელად გარდაიცვალა (ვიდეო)

15/07/2023

487 Less than a minute

დღეს, 15 ივლისს საბერძნეთში, ძველი ოლიმპიის სოფელ ფლოკაში დაკრძალეს ჟურნალისტი ქალი ისმა ტულატუ, რომელიც მოულოდნელად გარდაიცვალა მშობიარობამდე 24 საათით ადრე.

ისმა ტულატუ, ტელეარხ „ალფას“ ინფორმაციით, თავის ტვინში სისხლჩაქცევისგან უცებ გარდაიცვალა. მას, სავარაუდოდ, ანევრიზმა ჰქონდა, რომლის შესახებაც არც კი ეჭვობდა.

49 წლის ჟურნალისტი ტელეარხ “ACTION24”-ის რეპორტიორი იყო და კულტურის ამბებს აშუქებდა. იგი საკუთარ სახლში იმყოფებოდა, როდესაც გონება დაკარგა. ისმა 9 თვის ფეხმძიმე იყო და უახლოეს 24 საათში უნდა ემშობიარა. ექიმებმა ქალი მაშინვე გადაიყვანეს კლინიკაში საკეისრო კვეთის ჩასატარებლად და ბავშვის სიცოცხლისთვის ბრძოლა დაიწყეს.

ექიმების ძალისხმევით, ბავშვი დედის მუცლიდან ამოიყვანეს. იგი თავიდან „ალექსანდრას“ საავადმყოფოს ახალშობილთა რეანიმაციაში გადაიყვანეს, შემდეგ კი „ელენა ვენიზელუს“ ახალშობილთა ინტენსიური თერაპიის განყოფილებაში.

სხვა წყაროებში ნათქვამია, რომ ჟურნალისტმა ქალმა მშობიარობამდე 3 დღით ადრე დაკარგა გონება.

მისი გარდაცვალების შესახებ ცნობილი გახდა ჟურნალისტ ელენი სპანოპულუს ფბ პოსტიდან : „არ მინდა დავიჯერო, ჩემო ისმა! რამდენიმე დღის შემდეგ ბავშვის გაჩენას აპირებდი და გაფრინდი, როგორც ჩიტი ასე მოულოდნელად და ასე უსამართლოდ…“