რატომ თქვა უარი მიხეილ სააკაშვილის მკურნალმა ექიმმა ყოფილი პრეზიდენტის მკურნალობაზე

ექიმმა თამარ დავარაშვილმა „ქრონიკასთან“ საუბარში განმარტა, თუ რატომ თქვა უარი მსჯავრდებული ექსპრეზიდენტის, მიხეილ სააკაშვილის მკურნალობაზე. დავარაშვილმა ერთი სამუშაო დღე გაიხსენა, როდესაც მას პატიმარმა სააკაშვილმა „სუსის აგენტი“ უწოდა.

„ჩვეულებრივად შევედი პალატაში და პაციენტი არ შემხვდა ისე, როგორც ადრე მხვდებოდა. მითხრა, თქვენ ხართ სუსის აგენტი და არ მმკურნალობთო, მეტი არაფერი. მდგომარეობიდან გამოსვლა არ ყოფილა. ეს ჩემთვის იმდენად მიუღებელია, როდესაც ადამიანი ათი თვე ყველაფერს აკეთებ. გარდა ამისა, არ იყო ჩვენი ურთიერთობა ასეთი – ათი თვის განმავლობაში მე ნამდვილად არ გავჩერდებოდი. მასაც რომ არ მოვწონდე, ისიც აირჩევდა სხვა ექიმს“, – აცხადებს თამარ დავარაშვილი.