ავსტრიული მედია წერს 7 წლის ქართველ ბიჭზე, რომელსაც დედასთან ერთად ვენიდან დეპორტაცია ელის
გერმანული გამოცემა Der Standart-ი წერს საქართველოს მოქალაქეებზე, 7 წლის ბიჭსა და მის 40 წლის დედაზე, რომლებიც ავსტრიის პოლიციამ 11 ნოემბერს გადაიყვანა სადეპორტაციო განყოფილებაში და კვირას სამშობლოში მოუწევთ დაბრუნება.
გამოცემის თქმით, 7 წლის ნოეს ისტორია ძალიან ჰგავს 12 წლის თინას ამბავს, რომელიც ოჯახთან ერთად ავსტრიის საემიგრაციო სამსახურმა 2021 წლის თებერვალში დააბრუნა სამშობლოში. ორივე შემთხვევაში დეპორტაციას დაექვემდებარნენ ბავშვები, რომლებიც ავსტრიაში კარგად იყვნენ ინტეგრირებულები და მშობლიურზე უკეთ ფლობდნენ გერმანულ ენას.
ნოე დედამ ავსტრიაში 2016 წლის აგვისტოში წაიყვანა, როგორც ტურისტმა. 2017 წლის ივლისში ქალს უკვე ჰქონდა უარი თავშესაფრის მიღებაზე, თუმცა საქართველოში დაბრუნების ნაცვლად არალეგალურად რჩებოდა ავსტრიის ტერიტორიაზე, თავს არიდებდა საემიგრაციო სამსახურთან თანამშრომლობას. ნინოს თავშესაფარზე მოთხოვნა სამჯერ აქვს ამ დროის განმავლობაში გაკეთებული.
„ჩემი შვილი კარგად არის ინტეგრირებული. მისი სამშობლო ავსტრიაა. მინდა, რომ მას აქ შანსი მიეცეს“, – ამბობს ქალი შვილზე, რომელიც ვენის ერთ-ერთი სკოლის მეორე კლასში სწავლობს.
ავსტრიული მედიისთვის მსგავსი შემთხვევები ყოველ ჯერზე ხდება ქვეყანაში არსებული საიმიგრაციო პოლიტიკისა და ბავშვთა უფლებების შესახებ დისკუსიის განახლების საბაბი.
განახლება:
რადიო თავისუფლების საიტზე სტატიის გამოქვეყნებიდან რამდენიმე საათის შემდეგ შეიცვალა მისი სათაური – განახლებული ინფორმაციით, 7 წლის ბიჭის დეპორტაციის პროცესი შეჩერებულია. 8-საათიანი დაკავების შემდეგ ბავშვი და დედა გაათავისუფლეს.
გადაწყვეტილებაზე, სავარაუდოდ, გავლენა იქონია 12 წლის თინას საქმეზე ავსტრიული სასამართლოს მიერ გამოტანილმა განაჩენმა, რომელმაც ავსტრიაში გაზრდილი და კარგად ინტეგრირებული ბავშვის დეპორტაცია უკანონოდ ცნო საქართველოში თინას იძულებითი დაბრუნებიდან 18 თვის შემდეგ.
Nach 18 Monaten steht im Fall Tina die Rechtswidrigkeit der Abschiebungen endgültig fest. Der Verwaltungsgerichtshof (VwGH) hat die Amtsrevision des BFA zurückgewiesen. Das BFA hatte die Entscheidung des BVwG, das die Abschiebungen für rechtswidrig erklärte, bekämpft. Der VwGH… pic.twitter.com/9BuwU26i5i
— Wilfried Embacher 🇺🇦 (@WilfriedEmbach1) August 16, 2022
კომენტარები