მსოფლიოსაზოგადოება

ხანძარი ნიუ-იორკში – დაიღუპა 19 ადამიანი, მათ შორის, 9 ბავშვი (ვიდეო)

ნიუ-იორკში, ბრონქსში 19-სართულიან საცხოვრებელ სახლში გაჩენილი ხანძრის შედეგად, სულ ცოტა, 19 ადამიანი, მათ შორის, 9 ბავშვი დაიღუპა. ამის შესახებ Associated Press-ი იუწყება.

ოფიციალური პირების თქმით, ხანძრის შედეგად, სულ ცოტა, 63 ადამიანი დაშავდა, 32 მათგანი სიცოცხლისთვის საშიში დაზიანებებით კლინიკაში გადაიყვანეს.

ნიუ-იორკის სახანძრო სამსახურის დეპარტამენტის კომისრის, დენიელ ნიგროს განცხადებით, ხანძარი 19-სართულიანი შენობის ორდონიან, გაერთიანებულ მეორე-მესამე სართულზე გაჩნდა. შემთხვევის ადგილზე 200-მდე მანქანა მუშაობდა. მეხანძრეების თქმით, ბინის კარები, სადაც ხანძარი მძვინვარებდა, გაღებული დახვდათ, რამაც ცეცხლის გავრცელებას შეუწყო ხელი. დაზარალებულთა უმეტესობა მხუთავი აირითაა მოწამლული. 13 ადამიანის მდგომარეობა კრიტიკულია.

ნიუ-იორკის მერმა ერიკ ადამსმა, რომელიც სულ რაღაც ერთი კვირაა, რაც ამ თანამდებობაზეა, განაცხადა, რომ ასეთი სიძლიერის ხანძარი ქალაქის უახლეს ისტორიაში 30 წელია არ ყოფილა.

მანანა ბანძელაძე

კომენტარები

Tags

Related Articles

Leave a Reply

Your email address will not be published. Required fields are marked *

Back to top button
გაზიარება
Close