დაუკვირდით, როგორ ხსნის ადამიანი საჩუქარს და გაიგებთ, ვისთან გაქვთ საქმე

თუ ადამიანს, რომლის ხასიათის გაგებაც გაინტერესებთ, საახალწლო საჩუქარს მიართმევთ, დააკვირდით, როგორ გახსნის მირთმეულ ნივთს. საჩუქრის გახსნის მანერა უამრავ რამეზე მეტყველებს, – მიაჩნია ამერიკელ ფსიქოლოგს, ელეინ კანს.

იგი აკურატულად ხსნის შესახვევ ქაღალდს, ისე რომ არ დახიოს და დააზიანოს – ესე იგი, დამოუკიდებელი და საკუთარ თავში დარწმუნებული ადამიანია, არასოდეს გადააგდებს იმას, რის გამოყენებაც ჯერ კიდევ შეიძლება.

შეფუთულ ნივთს სწრაფად ახევს ქაღალდს – იგი იმპულსური და ემოციური პიროვნებაა, სულის სიღრმეში ბავშვია. ადამიანებს მისი ბავშვურობა და გულუბრყვილობა ძალიან მოსწონთ.

თავდაპირველად შეფუთულ პაკეტს ხელით სინჯავს – ამ ადამიანს ყურადღების ცენტრში ყოფნა უყვარს. შეფუთული საჩუქრის გასინჯვისას ისეთივე სიამოვნებას იღებს, როგორსაც საჩუქრის ნახვისას.

მიღებული საჩუქრის დემონსტრირება უყვარს – ამ პიროვნებას უდიდეს სიამოვნებას ანიჭებს ადამიანთა გართობა. თუ მის საჩუქრებს შორის ტანსაცმელი აღმოჩნდება, მაშინვე ჩაიცვამს და სტუმრების წინაშე წარდგება.

საჩუქარს დიდხანს არ ხსნის – იგი ჩაფიქრებული და გულჩათხრობილი პიროვნებაა. მას მოლოდინი გაცილებით დიდ სიამოვნებას ანიჭებს, ვიდრე საჩუქრის ნახვა.

საჩუქარს მხოლოდ მაშინ ხსნის, როცა მარტო რჩება – ეს პიროვნება ამჯობინებს, მისი გრძნობები სხვებისგან დაფარული იყოს. ის ადამიანები, რომლები მას რაიმეს ჩუქნიან, პასუხად ზრდილობიან მადლობას იღებენ, მაგრამ ვერასოდეს იგებენ იმ პიროვნების ნამდვილ რეაქციას მიღებულ საჩუქარზე.

თამთა გურული