დღის თემასაქართველო
ბათუმში საცხოვრებელი კორპუსის ნანგრევებიდან ამოყვანილი ქალი კლინიკაში გარდაიცვალა (ვიდეო)
ბათუმში საცხოვრებელი კორპუსის ნანგრევებიდან გუშინ საღამოს ამოყვანილი პირველი ადამიანი – ახალგაზრდა ქალი ბათუმის რეფერალურ კლინიკაში გარდაიცვალა. ექიმები მის მდგომარეობას უკიდურესად მძიმედ აფასებდნენ.
გვიან ღამით ამოყვანილი კიდევ ერთი გადარჩენილი, ახალგაზრდა მამაკაცი – ზვიად თავდგირიძე საავადმყოფოშია და მართვით სუნთქვაზე იმყოფება.
ამ დრომდე მაშველებმა ნანგრევებში 5 ადამიანის ცხედარი იპოვეს, მათ შორის, ერთი ბავშვის. გავრცელებული ინფორმაციით, ისინი კიდევ 3 ადამიანს ეძებენ.
შსს-ს ინფორმაციით, ინტენსიურად გრძელდება როგორც საძიებო-სამაშველო ღონისძიებები, ისე საგამოძიებო და საპროცესო მოქმედებები.
შინაგან საქმეთა სამინისტრომ ბათუმში საცხოვრებელი კორპუსის ნგრევის ფაქტზე მიმდინარე გამოძიების ფარგლებში სამი პირი დააკავა.
კომენტარები