ხელოვნებაკრიმინალი

ფლორენციის გალერეა „უფიცი“ და პარიზის ლუვრი პორნოსაიტს უჩივიან

პარიზის ლუვრმა და ფლორენციის გალერეა „უფიციმ“ პორნოსაიტ Pornhub-ს პროექტ Classic Nudes-ის გამო საჩივრის წერილებით მიმართეს. ამის შესახებ The Daily Beast-ი წერს.

გამოცემის ინფორმაციით, პროექტის ფარგლებში პორნომსახიობები მსოფლიოს უდიდესი მუზეუმების ონლაინგიდებში შესულ ხელოვნების ნიმუშებს „აცოცხლებენ“, თუმცა იტალიის კანონმდებლობის თანახმად, მუზეუმის ნებართვის გარეშე ექსპონატების კომერციული მიზნებისთვის გამოყენება აკრძალულია.

„არავის გაუცია ნებართვა ჩვენი ხელოვნების ნიმუშების გამოყენებაზე. ეს სტანდარტული პროცედურაა, თუმცა ამ შემთხვევაში ნაკლებად სავარაუდოა, რომ ნებართვას გავცემდით“, – ნათქვამია გალერეა „უფიცის“ განცხადებაში.

მუზეუმი პორნოსაიტს სანდრო ბოტიჩელის „ვენერას დაბადების“ მიხედვით გადაღებული ვიდეოს წაშლას სთხოვს. ასევე მოიქცნენ ლუვრში.

Pornhub-მა უკვე მიიღო შეტყობინება ჩვენი იურისტებისგან. ველით, რომ მათი ნამუშევრები დაუყოვნებლივ წაიშლება“, – ნათქვამია ფრანგული მუზეუმის განცხადებაში.

ამასთან, ორივე მუზეუმი სასამართლო სარჩელებს ამზადებს საავტორო უფლებების დარღვევის თაობაზე.

Pornhub-ის ახალი პროექტის შესახებ გასულ კვირას გახდა ცნობილი. Classic Nudes-ი მაყურებელს ონლაინ-ექსკურსიაზე დასწრებისა და მუზეუმებში იმ ხელოვნების ნიმუშების დათვალიერების საშუალებას აძლევს, რომლებზეც შიშველი სხეულებია გამოსახული. პროექტის ავტორებს იმედი ჰქონდათ, რომ მათი ინიციატივა ადამიანებს დააბრუნებდა მუზეუმებში, რომლებიც პანდემიის დროს ვერ მუშაობდნენ.

imedinews.ge

კომენტარები

Tags

Related Articles

Leave a Reply

Your email address will not be published. Required fields are marked *

Back to top button
გაზიარება
Close