101 წლის უხუცესმა გულშემატკივარმა იტალიის მეექვსე დიდი სანაკრებო ჩემპიონობა ჩაიბარა
ევროპის საფეხბურთო ჩემპიონატი იტალიის ეროვნული ნაკრების ტრიუმფით დასრულდა. იტალია ევროპის ჩემპიონი მეორედ გახდა. პირველად ეს 53 წლის წინ შეძლო – 1968 წელს.
„იტალია ჩემპიონია, იმიტომ რომ იტალია უკვდავია. ერთობით, გუნდურად, სილაღით, ტანჯვით და მონდომებით მანჩინის გუნდმა ისტორია დაწერა“, – ამბობენ სპორტის ექსპერტები.
ამ ისტორიის „ცოცხალი ისტორია“ 101 წლის სენიორ ფრანჩესკოა – ის საყვარელი გუნდის 4-გზის მსოფლიოს და 2-გზის ევროპის ჩემპიონობას მოესწრო.
იტალია მსოფლიოს ჩემპიონი პირველად 1934 წელს გახდა და მაშინ სენიორ ფრანჩესკო, 14 წლის ბიჭი, უკვე იტალიური ფეხბურთის გულშემატკივარი იყო. დღეს იგი 101 წლისაა და „სკუადრა აძურას“ მეექვსე დიდი სანაკრებო ჩემპიონობა ჩაიბარა.
ეს ამბავი სოციალურ ქსელში ვირუსულად გავრცელდა.
Ce monsieur, Francesco (101 ans) a connu tous les succès de l’Italie sur la scène internationale.
Il avait 14 ans en 1934 ⭐️
18 ans en 1938 ⭐️⭐️
48 ans en 1968 🏆
62 ans en 1982 ⭐️⭐️⭐️
86 ans en 2006 ⭐️⭐️⭐️⭐️
101 ans en 2021 🏆🏆C’est juste incroyable ! pic.twitter.com/l4VzF2jtjC
— Calciomio 🏆🇮🇹 (@calciomio) July 13, 2021
არსებობს იმის ალბათობა, რომ ფეხბურთის მოყვარულებმა იხილონ მატჩი ევროპის ჩემპიონატისა და კოპა ამერიკას მოქმედ ჩემპიონებს შორის.
ევრო 2020 და კოპა ამერიკა პარალელურად მიმდინარეობდა. იტალიამ კონტინენტის პირველობის ფინალში ინგლისის ნაკრები პენალტების სერიაში დაამარცხა, კოპა ამერიკაზე კი არგენტინამ გადამწყვეტ მატჩში ბრაზილიას მოუგო.
ვარაუდობენ, რომ მატჩი იტალიასა და არგენტინას შორის წელს არ გაიმართება გადატვირთული კალენდრის გამო, თუმცა 2022 წელს თამაშის ორგანიზება შესაძლებელი იქნება.
იმედია, იტალიური ფეხბურთის 101 წლის ფანატი ამ მატჩითაც ისიამოვნებს!
ნუცა ყაველაშვილი
კომენტარები