fbpx
საზოგადოებასაქართველო

მაშველებმა აბასთუმნის ტყიდან დაკარგული ახალგაზრდები გამოიყვანეს

დღეს დილით, 8 საათისთვის დასრულდა აბასთუმნის ტყე-პარკში დაკარგული ახალგაზრდების ტყიდან გამოყვანის ოპერაცია, რომელიც ღამით, დაახლოებით 2 საათისთვის დაიწყო. ამ დროისთვის ისინი პოლიციის განყოფილებაში იმყოფებიან.

7 ახალგაზრდა აბასთუმნის ტყე-პარკში 2 ივნისს წავიდა, თუმცა ჯგუფთან დაკავშირება რამდენიმე დღე ვერ ხერხდებოდა. სამაშველო სამსახურმა მათი ადგილსამყოველის დადგენა 6 ივნისს საღამოსთვის შეძლო.

მაშველების თქმით, ზეკარის უღელტეხილიდან საირმისკენ მიმავალ ახალგაზრდებს გზა აებნათ. ამ ტერიტორიაზე წვიმისა და ცუდი ამინდის დროს ძლიერი ნისლი იცის, რის გამოც პროფესიონალებსაც შეიძლება აერიოთ გზა. საბოლოოდ, ახალგაზრდებს აბასთუმნიდან 25 კმ-ის დაშორებით, ბაღდათის მხარეს, წაბლანას ტყის ტერიტორიაზე მიაგნეს.

სამძებრო ოპერაციისას მაშველებმა ობსერვატორიის, ნასაბაჯვარის მთის, წყალსადენის და ზეკარის უღელტეხილის ტერიტორიები დაათვალიერეს.

საძიებო-სამაშველო ოპერაციაში ჩართული იყო 50-მდე მეხანძრე-მაშველი შესაბამისი აღჭურვილობით. ასევე, ძებნაში მონაწილეობდნენ დაცული ტერიტორიების სააგენტოს რეინჯერთა ჯგუფი და პოლიციის დანაყოფები.

radiotavisufleba.ge

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close