fbpx
მსოფლიო

მეტეოროლოგები უახლოეს ხუთ წელიწადში რეკორდულად ცხელ წელს ელოდებიან

გაეროში განაცხადეს, რომ 2020 წელს დედამიწის ტემპერატურამ ბოლო 3 მილიონი წლის რეკორდულ მაჩვენებელს მიაღწია

უახლოესი ხუთი წლის განმავლობაში ერთი წელი მაინც იქნება რეკორდულად ცხელი, აცხადებს მსოფლიო მეტეოროლოგიური ორგანიზაცია (WMO), რომელიც დიდი ბრიტანეთის მეტეოროლოგიური სამსახურის კვლევებს ეყრდნობა.

„არსებობს 90%-იანი ალბათობა იმისა, რომ 2021-2025 წლებს შორის, სულ ცოტა, ერთი წელი მაინც იყოს ყველაზე ცხელი დაკვირვებების მთელი ისტორიის განმავლობაში“, − ნათქვამია კვლევაში.

ამგვარად, მომავალი ყველაზე ცხელი წლის ტემპერატურა მანამდე ყველაზე ცხელად მიჩნეული 2016 წლის მაჩვენებლებს გადააჭარბებს და საშუალო წლიური ტემპერატურა 1,5 ცელსიუსით იმაზე მაღალი იქნება, ვიდრე ინდუსტრიამდელ ეპოქაში იყო.

როგორც WMO-ს გენერალური მდივანი პეტერი ტაალასი განმარტავს, ტემპერატურის მატება ნიშნავს ყინულების უფრო აქტიურად დნობას, ზღვის დონის აწევას, ექსტრემალურ ამინდებს (პაპანაქება სიცხე) და ასევე სურსათის, ჯანმრთელობისა და გარემოს უსაფრთხოებაზე ბევრად ძლიერ ზემოქმედებას.

მანამდე გაეროს გენერალურმა მდივანმა ანტონიუ გუტერიშმა საერთაშორისო კონფერენციაზე, რომელიც კლიმატის თემას ეძღვნებოდა, განაცხადა, რომ დედამიწის ტემპერატურამ 2020 წელს რეკორდულად მაღალ დონეს მიაღწია 3 მილიონი წლის განმავლობაში.

sputnik-georgia.com

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close