fbpx
პოლიტიკასაქართველო

„რაში გჭირდებათ უცხოელები?!“ – მეუფე იაკობი ოპოზიციას და ხელისუფლებას „შერიგებას“ ისევ სთავაზობს

ბოდბელი ეპისკოპოსი იაკობი ხელისუფლებისა და ოპოზიციის წარმომადგენლებს შერიგებისკენ მოუწოდებს და ამბობს, რომ ეკლესიის კარი ღიაა მონაწილეობა მიიღოს მოლაპარაკების პროცესში, რათა მხარეებს შორის უთანხმოება განიმუხტოს და კონკრეტული კონსენსუსი დადგეს. მეუფე იაკობმა ამ თემაზე დღეს ბოდბის მონასტერში ქადაგებისას ისაუბრა.

„ბევრჯერ ვთხოვე მათ, რომ ეკლესიაში მოსულიყვნენ შერიგებისთვის და გარეთ პოლიტიკაზე ელაპარაკათ. სანამ არ შერიგდებიან, ქვეყანას არაფერი ეშველება. ხალხი თუ არ დაგიდგათ გვერდში, გინდა მილიონი კარავი გაშალე, მერე რა?! მოდი, შერიგდით და მერე დაილაპარაკეთ. სამარცხვინოდ უცხოელებთან ჯდებით და ანახებთ, შინაგანი რაც გაქვთ. ჯერ რაში გჭირდებათ უცხოელები, შიგნით ვერ უნდა დაილაპარაკოთ?! არ არის ეს სირცხვილი?!“ – განაცხადა მეუფე იაკობმა.

ქადაგებისას მან რუსთაველის გამზირზე, პარლამენტის შენობის წინ გაშლილ კარვებზეც ისაუბრა.

„ამას წინ უწმინდესთან მივდიოდი და რუსთაველზე გავიარე. თბილისი თბილისს აღარ ჰგავს. იმდენი კარავი რა არის?! რომელ წლებში ვართ ჩარჩენილი, ხალხიც არ არის. რუსთაველზე ცუდი სუნი იდგა, ეტყობა იქვე ისაქმებენ. ჩემთვის ეს იყო საშინელება. არათუ თბილისში, საქართველოში არ არის ადგილი, სადაც მასე უნდა ვიქცეოდეთ. მასეთ ადგილებს უნდა გავუფრთხილდეთ, იმიტომ რომ მანდ იყო კალო, რამდენი ადამიანი და ბავშვი დახოცეს“, – თქვა მეუფე იაკობმა.

ოპოზიციის ლიდერებმა პარლამენტის შენობის წინ კარავი მას შემდეგ გაშალეს, რაც „ნაციონალური მოძრაობის“ ლიდერი ნიკა მელია დააპატიმრეს. აქციას ზუგდიდის, თელავისა და ბათუმის „კარვების აქციების“ მონაწილეებიც შეუერთდნენ.

radiotavisufleba.ge

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close