fbpx
საზოგადოებასაბერძნეთი

ათენში პოლიციამ სტუდენტებისა და ლექტორების აქცია ცრემლმდენი გაზის გამოყენებით დაშალა

საბერძნეთის პოლიციამ ათენში, პარლამენტის შენობასთან სტუდენტებისა და ლექტორების აქცია ცრემლმდენი გაზის გამოყენებით დაშალა და რამდენიმე დემონსტრანტი დააკავა. ამის შესახებ ადგილობრივი მედია წერს.

სტუდენტები, ლექტორები და მშობელთა ასოციაციების წევრები უმაღლესი განათლების შესახებ კანონში შესატან ცვლილებებს აპროტესტებდნენ, რომლებიც უნივერსიტეტებში დაცვის სპეციალური სამსახურების შექმნასა და ე.წ. მუდმივი სტუდენტების გარიცხვას ითვალისწინებს. კანონპროექტის განხილვა პარლამენტში რამდენიმე დღის წინ დაიწყო.

როდესაც დემონსტრანტების კოლონა პარლამენტის შენობას მიუახლოვდა, აქციის ცალკეულ წევრებსა და სამართალდამცველებს შორის შეხლა-შემოხლა მოხდა, რის შემდეგაც პოლიციამ ცრემლმდენი გაზი გამოიყენა.

imedinews.ge

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close