პარიზის საავადმყოფოები კორონავირუსის ახალი ტალღის მოლოდინში არიან.
როგორც Bloomberg-ი წერს, საფრანგეთის კოვიდ-შეზღუდვები ვირუსის შეკავებას ვეღარ უზრუნველყოფს და ქვეყანა ინფიცირების ახალ ტალღას ელოდება. ამის შესახებ პარასკევის ბრიფინგზე პარიზის კლინიკების ოპერატორის, AP-HP-ის სამედიცინო კრიზისების დირექტორმა ბრუნო რიუმ განაცხადა.
„ნათელია, რომ ჩვენ მომდევნო კვირებში ძალიან რთული პერიოდი გველის“, – თქვა მან.
ცნობისთვის, მხოლოდ პარასკევს ქვეყანაში კორონავირუსის 22 139 ახალი შემთხვევა დაფიქსირდა. გარდაიცვალა 651 ადამიანი. საერთო ჯამში საფრანგეთში ახალი ტიპის კორონავირუსს 78 603 ადამიანი ემსხვერპლა, ხოლო 3 296 747 დაინფიცირდა.
წყარო: bm.ge
კომენტარები