fbpx
ქართველები უცხოეთშიხელოვნება

ანიტა რაჭველიშვილი გერმანიაში წლის საუკეთესო საოპერო მომღერლად დაასახელეს

ქართველი მეცო-სოპრანო ანიტა რაჭველიშვილი გერმანული პრესტიჟული ჟურნალის, Оper! Magazin-ის დეკემბრის ნომრის გარეკანზე მოხვდა – საოპერო მომღერალი 2020 წლის საუკეთესო მომღერლად დასახელდა.

რაჭველიშვილმა თავის Facebook-გვერდზე ყველას მადლობა გადაუხადა და აღნიშნა, რომ ბედნიერია ამ საოცარი ჯილდოს გამო.

So happy! Thank you so much @opermagazin for this amazing award! #singeroftheyear #operaward #opermagazine

Posted by Anita Rachvelishvili on სამშაბათი, 01 დეკემბერი, 2020

Оper!-ი საერთაშორისო გამოცემაა, რომელიც საოპერო ხელოვნებითაა დაინტერესებული. დაარსდა 2015 წელს და ყოველთვიურად გამოდის. გამოცემა ხელმისაწვდომია გერმანიაში, ავსტრიასა და შვეიცარიაში, ასევე ხელმომწერებისთვის მთელ მსოფლიოში. აქვს ციფრული ვერსიაც.

ანიტა რაჭველიშვილი თბილისში დაიბადა, დაამთავრა ვანო სარაჯიშვილის სახელობის თბილისის სახელმწიფო კონსერვატორია ვოკალის განხრით. საქართველოში ანიტა რაჭველიშვილის დებიუტი საოპერო სტუდიაში შედგა, სადაც ვერდის ოპერა „რიგოლეტოში“ მადალენასა და ჩაისკოვსკის „ევგენი ონეგინში“ ოლგას პარტიები შეასრულა.

2006 წლის შემოდგომაზე მომღერალი თბილისის ოპერისა და ბალეტის თეატრში მიიღეს, ხოლო ერთი წლის შემდეგ სასწავლებლად მილანის „ლა სკალას“ თეატრის აკადემიაში მიიწვიეს.

ანიტა რაჭველიშვილი საერთაშორისო არენაზე ცნობილი 2009 წლის 7 დეკემბრიდან გახდა, როდესაც „ლა სკალას“ სეზონის გახსნაზე „კარმენში“ მთავარი პარტია შეასრულა. მომღერლის სადებიუტო სპექტაკლმა ევროპულ სცენაზე უდიდესი წარმატებით ჩაიარა, სპექტაკლს მსოფლიოს მრავალი ტელეარხი გადასცემდა.

2011 წელს შედგა რაჭველიშვილის დებიუტი ნიუ-იორკის „კარნეგი ჰოლში“, სადაცმომღერალმა შეასრულა პრინცესა დე ბუიონის პარტია ჩილეას ოპერაში „ადრიანა ლეკურერი“.

სენ-სანსის ოპერაში „სამსონი და დალილა“ დალილას პარტიის შესრულებისთვის რაჭველიშვილმა მიიღო Bachtrack Opera Awards-ის პრემიის წოდება „საუკეთესო მომღერალი“.

sputnik-georgia.com

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close