ევროკომიისიის თავმჯდომარის, ურსულა ფონ დერ ლაიენის (Ursula von der Leyen) განმარტებით, გასულ კვირაში კორონავირუსით გამოწვეული პნევმონია ევროპის ქვეყნებში სიკვდილის ყველაზე ხშირი მიზეზი იყო, ევროკავშირში COVID-19-ისგან ყოველდღე, საშუალოდ, 3 ათასი ადამიანი იღუპებოდა. ამის შესახებ მან ევროპარლამენტის სხდომაზე განაცხადა.
ამასთან, ევროკომისიის თავმჯდომარემ გამოთქვა იმედი, რომ სიტუაცია შეიცვლება.
„ბოლოს და ბოლოს, ჩანს სინათლე გვირაბის ბოლოს“, – დაწერა მან Twitter-ზე და აღნიშნა, რომ ევროკავშირმა მოცემული მომენტისთვის უკვე მოაწერა ხელი შეთანხმებას 6 მწარმოებელთან კორონავირუსის ვაქცინის შემოტანაზე. მისი თქმით, მოქალაქეების აცრის დაწყება უკვე დეკემბერის ბოლომდე იქნება შესაძლებელი.
წევრი ქვეყნები ახლა უნდა მოემზადონ ვაქცინაციისთვის. ეს ჩვენი ბილეთია პანდემიისგან თავის დასაღწევად, – წერს ფონ დერ ლაიენი.
There is light at the end of the tunnel.
The @EU_Commission has secured contracts with 6 vaccines companies.
The 1st 🇪🇺citizens might already be vaccinated before the end of December.
Member states must get ready now for vaccinations. This is our ticket out of this pandemic.
— Ursula von der Leyen (@vonderleyen) November 25, 2020
კომენტარები