საქართველოს პრემიერმა და პრეზიდენტმა ჯო ბაიდენს გამარჯვება მიულოცეს
საქართველოს პრემიერ-მინისტრმა გიორგი გახარიამ და პრეზიდენტმა სალომე ზურაბიშვილმა აშშ-ის არჩეულ პრეზიდენტ ჯო ბაიდენსა და არჩეულ ვიცე-პრეზიდენტ კამალა ჰარისს არჩევნებში გამარჯვება მიულოცეს.
გიორგი გახარიამ ოფიციალურ „ტვიტერის“ გვერდზე დაწერა: „ქართველი ხალხის სახელით გამარჯვებას ვულოცავ ამერიკის შეერთებული შტატების არჩეულ პრეზიდენტს და საქართველოს დიდი ხნის მეგობარ ჯო ბაიდენსა და არჩეულ ვიცე-პრეზიდენტ კამალა ჰარისს. ველით აშშ-საქართველოს სტრატეგიული პარტნიორობის შემდგომ გაძლიერებას“.
On behalf of the people of 🇬🇪 congratulations to the President-elect @JoeBiden, a longtime friend of Georgia and Vice-President-elect @KamalaHarris. We look forward to continue further strengthening the US-Georgia Strategic partnership.
— Giorgi Gakharia (@GakhariaGiorgi) November 7, 2020
სალომე ზურაბიშვილმა, ასევე „ტვიტერზე“, დაწერა: „საქართველოს, კავკასიასა და მსოფლიოს სჭირდება თავისუფალი, ძლიერი და დემოკრატიული ამერიკა. ველი თქვენთან მუშაობას, რათა ჩვენი ორი ქვეყნის თანამშრომლობა და კავშირები კიდევ უფრო გავამყაროთ და გავაღრმავოთ~.
სალომე ზურბაშვილმა საგანგებოდ აღნიშნა კამალა ჰარისის, როგორც პირველი ქალი ვიცე პრეზიდენტის, როლი და დაწერა: „მსურს პირადად მოგილოცოთ და წარმატება გისურვოთ“.
As the #firstwomanVP in United States history, I want to personnally congratulate you, @KamalaHarris and wish you success! 🇬🇪🤝🇺🇸
— Salome Zourabichvili (@Zourabichvili_S) November 7, 2020
radiotavisufleba.ge
კომენტარები