ქართველმა ახალგაზრდამ ვარშავაში პოლონელი მოზარდი თავდასხმისგან იხსნა
ვარშავის პოლიციის უფროსმა ნუკრი დავითაშვილს მადლობა გადაუხადა
პოლონეთის დედაქალაქ ვარშავაში ქალაქის პოლიციის უფროსმა პაველ დობროჯეიმ მადლობა გამოუცხადა საქართველოს მოქალაქე ნუკრი დავითაშვილს, რომელმაც ბოროტმომქედებს პოლონელი მოზარდის ძარცვის საშუალება არ მისცა და პოლიციის თანამშრომლებს მათ დაკავებაში დაეხმარა.
ინფორმაციას ამის შესახებ პოლონეთში საქართველოს ელჩი ილია დარჩიაშვილი თავის ტვიტერის გვერდზე ავრცელებს.
Ten młody Gruzin to Nukri Davitashvili, który wykazał się niespotykaną odwagą ratując młodego człowieka na ulicy przed agresywnymi napastnikami. Dziś, wspólnie z Komendantem wręczyliśmy nasze podziękowania za tą odważną obywatelską postawę. @PolskaPolicja pic.twitter.com/I9BnmockgN
— ILIA Darchiashvili (@iliadarch) October 2, 2020
„ეს ახალგაზრდა ქართველი ნუკრი დავითაშვილია, რომელმაც უპრეცედენტო სიმამაცე გამოავლინა და ახალგაზრდა კაცი ქუჩაში აგრესიული თავდამსხმელებისგან იხსნა. დღეს, პოლიციის უფროსთან ერთად, მადლობას ვუხდით მას ასეთი გაბედული მოქალაქეობრივი საქციელისთვის“, – წერს საქართველოს ელჩი.
კომენტარები