fbpx
მედიცინამსოფლიო

მოსწავლეებში კორონავირუსის ახალი სიმპტომი აღმოაჩინეს

ბრიტანელმა მეცნიერებმა აღმოაჩინეს, რომ 18-წლამდე ასაკის ბავშვების მესამედი COVID-19-ით დასნებოვნების შემთხვევაში მადას კარგავს. ისინი საკვებზე უარს ამბობენ, მაგრამ კორონავირუსის სხვა კლასიკური სიმპტომები არ აღენიშნებათ.

თუ თქვენმა შვილმა მოულოდნელად სასკოლო სადილის გამოტოვება დაიწყო და სახლშიც საკვები არ შეჭამა, შესაძლოა ეს კორონავირუსის სიმპტომი იყოს – ვარაუდობენ ​ლონდონის სამეფო კოლეჯის მკვლევარები.

მეცნიერები მშობლებს და მასწავლებლებს სთხოვენ, უფრო ყურადღებით დააკვირდნენ ბავშვების მადას. რა თქმა უნდა, თუ ბავშვს არ სურს სკოლაში წახემსება ან სახლში სადილის მირთმევა, ეს არ ნიშნავს, რომ იგი აუცილებლად კორონავირუსით დაინფიცირდა, მაგრამ საკვებზე კატეგორიული უარი შესაძლოა საფრთხილო იყოს.

დასკვნები ბრიტანელმა მეცნიერებმა, სპეციალური მობილური აპლიკაციის დახმარებით, ასობით ინფიცირებულ ბავშვზე დაკვირვებით გააკეთეს. დადგინდა, რომ მათ დიდ ნაწილს კორონავირუსის ყველაზე გავრცელებული სიმპტომები – ხველა, ყნოსვისა და გემოს დაკარგვა და სიცხე არ აღენიშნებოდა.

ყველაზე ხშირად COVID-19-ით ინფიცირებული ბავშვები კარგავდნენ მადას, სტკიოდათ თავი ან გრძნობდნენ სისუსტეს.

დაკვირვებამ ასევე აჩვენა, რომ ინფიცირებული 18 წლამდე ასაკის ბავშვების 15%-ს კანზე ძლიერი ქავილის გამომწვევი გამონაყარი გაუჩნდა.

primetime.ge

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close