fbpx
კრიმინალიმსოფლიოnews

თავდასხმა გამვლელებზე პარიზში CHARLIE HEBDO-ს ძველ შენობასთან

დღეს, 25 სექტემბერს პარიზში უცნობები დანით დაესხნენ თავს გამვლელებს ჟურნალ Charlie Hebdo-ს რედაქციის ძველ შენობასთან. რედაქციის ამჟამინდელი მისამართი გასაიდუმლოებულია 2015 წლის იანვარში ტერორისტების თავდასხმის შემდეგ. 

ინციდენტი პარიზის დროით 11:45 სთზე (13:45 თბილისის დროით) მოხდა ბასტილიის მოედნიდან რამდენიმე მეტრის დაშორებით.

თავდამსხმელმა და მისმა თანამზრახველმა 4 ადამიანი დაჭრეს, მათგან 2 მძიმე მდგომარეობაშია.

პოლიციამ ორივე სავარაუდო დამნაშავე ცხელ კვალზე დააკავა. ერთ-ერთი მათგანი ბასტილიის მოედანზე ოპერის შენობის კიბეებზე აღმოაჩინეს, მას ტანსაცმელზე სისხლის ლაქები ეცხო, მეორე კი – მეტროს სადგურში.

BFMTV-ს ცნობით, ერთმა დაკავებულმა დანაშაული აღიარა.

პარიზის პროკურატურამ ინციდენტი შეაფასა, როგორც მკვლელობის მცდელობა.

Agence France-Presse-ის ინფორმაციით, გამოძიებაში პარიზის პროკურატურის ტერორიზმთან ბრძოლის დეპარტამენტიც ჩაერთო.

საფრანგეთის პრემიერ-მინისტრის, ჟან კასტექსის ინფორმაციით, დაშავებულთა სიცოცხლეს საფრთხე არ ემუქრება.

ნინო ხოშტარია

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close