თბილისის ბავშვთა კაპელის მსოფლიო აღიარება (ვიდეო)
თბილისის ბავშვთა კაპელას და მის ხელმძღვანელს გელა ფარჩუკიძეს ლეგენდარული ჯგუფის – „ქვინის“ სიმღერის უბადლო შესრულებით დიდი ხანია იცნობენ როგორც საქართველოში, ისე საზღვარგარეთ.
კაპელის უნიჭიერესმა წევრებმა მსოფლიო აღიარება მოიპოვეს და „ქვინის“ ქავერების საუკეთესო შემსრულებელთა შორის დასახელდნენ.
გელა ფარჩუკიძე:
„მადლობა ღმერთს… გვიხარია და ვამაყობთ, რომ მსოფლიოს ყველაზე პოპულარული შოუს Got Talent-ის ცენტრალურმა, ანუ ამერიკულმა „უფროსობამ“ (Got Talent Global) „ქუინი“-ს ქავერების საუკეთესო შემსრულებელთა რიგებში თბილისის ბავშვთა კაპელის – ქართველი ბავშვების ნამღერი შეიყვანა…
ეს იგივეა ინგლისელი ან ამერიკელი ქართული სიმღერის შემსრულებელთა საუკეთესო შვიდეულში რომ შეიყვანო… ვულოცავ ჩემს ოჯახს – კაპელას, ჩემს პატარა პრინცესებს და პრინცებს, მათ ოჯახებს ამ აღიარებას… თბილისის ბავშვთა კაპელა ხომ ქართული პროექტია. იხარე საქართველო!“.
artinfo.ge
კომენტარები