ესპანელ პოლიტიკოსს, რომელიც ვიდეოკონფერენციის დროს შხაპს იღებდა, თანამდებობის დატოვება მოუწია (ვიდეო)
ესპანეთის ქალაქ ტორელავეგის მუნიციპალური მრჩეველი, ქალაქის სოციალისტურ მუშათა პარტიის გენერალური მდივანი ბერნარდო ბუსტილო ვიდეოკონფერენციის დროს მაყურებელთა წინაშე სრულიად შიშველი წარდგა.
ვიდეოკონფერენციას ესწრებოდნენ სხვა პოლიტიკოსები და ჟურნალისტები, ხოლო ონლაინ ტრანსლაციის მეშვეობით მას თვალს ათასობით ადამიანი ადევნებდა.
The Guardian-ის ცნობით, პოლიტიკოსმა შეხვედრის დროს შხაპის მიღება გადაწყვიტა, ვინაიდან კონფერენცია დროში ძალიან გაიწელა და მოგვიანებით მეორე სამსახურში უნდა წასულიყო.
მან ნოუთბუქი აბაზანაში შეიტანა, რათა კოლეგების ხმა კარგად გაეგო, თუმცა, როგორც აღმოჩნდა, ვიდეოს გამორთვა დაავიწყდა.
მომხდარს სოციალურ ქსელში დიდი გამოხმაურება მოჰყვა და მისი ვიდეოები სწრაფად გავრცელდა.
პოლიტიკოსმა თანამდებობა დატოვა, ვინაიდან არ სურდა, მომხდარ ინციდენტს მისი პარტიის რეპუტაციაზე მოეხდინა უარყოფითი გავლენა.
El secretario General del Psoe en Torrelavega – Cantabria – se da una ducha y sale en bolas en medio del pleno municipal.@BBustilloPerez demuestra lo que le importa su Ayuntamiento ¿Dimitirá o irá a Salvame? pic.twitter.com/7bjaAoCbsx
— Carles Enric (@carlesenric) July 1, 2020
კომენტარები