fbpx
მოგზაურობამსოფლიო

ევროპაში მოგზაურობის წესები იცვლება

რას ნიშნავს Covid-პასპორტი?

ტურისტული სფეროს აღსადგენად, რომელსაც კორონავირუსის პანდემიამ დიდი დარტყმა მიაყენა, ევროკავშირი ერთიან დოკუმენტს შეიმუშავებს, პირობითი სახელწოდებით COVID-პასპორტი, რომელიც უსაფრთხოების სერტიფიკატის როლს შეასრულებს.

აღნიშნული იდეა, მედიის ინფორმაციით, ევროკავშირის თავმჯდომარე ქვეყნის, ხორვატიის ტურიზმის მინისტრ ჰარი კაპელის ეკუთვნის.

გავრცელებული ინფორმაციით, COVID-პასპორტის შექმნაზე ევროკავშირის ქვეყნების ტურიზმის მინისტრები ვირტუალურ კონფერენციაზე შეთანხმდნენ.

„მინისტრები თანახმა არიან, შეიქმნას საერთო დოკუმენტი პირობითი სახელწოდებით COVID-პასპორტი, რომელიც მთელი ევროკავშირის მასშტაბით იმუშავებს“, – განაცხადა კაპელიმ.

მისი თქმით, ახალი დოკუმენტი ნებისმიერი სახეობის ტრანსპორტით მოძრავ ტურისტებზე გაიცემა, იქნება ეს ავტომობილი, მატარებელი, თვითმფრინავი თუ საზღვაო ხომალდი.

თავის მხრივ, ხორვატია მზადაა, მაისის ბოლოს ნაწილობრივ გახსნას საზღვარი ზოგი ქვეყნიდან ჩასული ტურისტებისთვის.

ხორვატიის პოზიციას მხარს უჭერენ ჩეხეთი, იტალია და ესპანეთი, რომელთა ეკონომიკებიც დიდად არის დამოკიდებული ტურისტების რაოდენობაზე.

ევროპამ კორონავირუსული პანდემიის გამო საზღვრები 17 მარტს ჩაკეტა. ევროკავშირის ქვეყნების უმეტესობაში შეზღუდვები ძალაში მაისის შუა რიცხვებამდე რჩება. ამასთან, მანამდე განიხილებოდა ტურიზმის სექტემბრამდე აკრძალვის საკითხი, თუ COVID-19-ის მეორე ტალღის საფრთხე გაჩნდება.

უნდა აღინიშნოს ისიც, რომ საბერძნეთის ტურიზმის მინისტრმა ეს იდეა რამდენიმე ხნის წინ საჯაროდ გამოთქვა და სწორედ ამ გზით აპირებს ქვეყანა, საზღვრების გახსნის შემდეგ, ტურისტებს უმასპინძლოს. ფრენების აღდგენა ივლისშია მოსალოდნელი.

ევროკავშირის ყველა მოქალაქე ვალდებული იქნება, რომ წარადგინოს გაკეთებული ტესტის პასუხი. მაგალითად, თუ გერმანიის მოქალაქეს საბერძნეთში შემოსვლა მოესურვება, კორონავირუსზე ტესტი უნდა გაიკეთოს გერმანიაში და მხოლოდ ამის შემდეგ მიეცემა გამომგზავრების უფლება.

ამ ეტაპზე საუბარია სწორედ ევროკავშირის ქვეყნების მოქალაქეებზე, რადგან წინასწარი პროგნოზებით, ევროპის ქვეყნების გარდა, სხვა ქვეყნების მოქალაქეების საბერძნეთში შესვლა არ არის მოსალოდნელი.

უნდა აღინიშნოს, რომ საბერძნეთი ევროპაში ერთ-ერთ ყველაზე უსაფრთხო ქვეყნად სახელდება კორონავირუსის გავრცელების თვალსაზრისით.

წყარო: primetime.ge

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close