საქართველოში 60 წელს გადაცილებული მოქალაქეები პნევმოკოკის ვაქცინით აიცრებიან
სახელმწიფო მსჯელობს გეგმაზე, რომლის მიხედვითაც, 60 წელს გადაცილებულები და, ასევე, ქრონიკული დაავადებების მქონე მოქალაქეები პნევმოკოკის ვაქცინით აიცრებიან. როგორც ჯანდაცვის მინისტრმა ეკატერინე ტიკარაძემ განაცხადა, ქართველი სპეციალისტების მიერ გაანალიზებული მონაცემების თანახმად, სწორედ ამ მოწყვლად ჯგუფებშია, ძირითადად, გავრცელებული პნევმონია და ამ ფონზე სიკვდილიანობაც მაღალია.
მისივე თქმით, უკვე არსებობს კონკრეტული რაოდენობა და სახელობითი სია იმ ადამიანებისა, რომლებსაც ვაქცინაცია ჩაუტარდებათ და ეტაპობრივად მოიცავენ 60 წელს გადაცილებულ ყველა მოქალაქეს.
ჯანდაცვის მინისტრის ინფორმაციით, მსჯელობა მიმდინარეობს იმაზეც, რომ აღნიშნული ვაქცინაცია მოწყვლადი ჯგუფებისა და 60 წელს გადაცილებული მოქალაქეებისთვის სავალდებულო გახდეს. მოსახლეობის ზემოხსენებულ კატეგორიებში პნევმოკოკით ვაქცინაცია ევროპის ქვეყნებში მიღებული პრაქტიკაა.
მანანა ბანძელაძე
კომენტარები