პირველად ისტორიაში – საქართველოს სუპერთასის მატჩს ქალი მსაჯი განსჯის

დღეს მიხეილ მესხი 2-ზე 2020 წლის საქართველოს სლავა მეტრეველის სახელობის სუპერთასის მატჩი გაიმართება.

ერთმანეთს თბილისური კლუბები, 2019 წლის სეზონის საქართველოს ჩემპიონი „დინამო თბილისი“ და დავით ყიფიანის სახელობის თასის მფლობელი „საბურთალო“ შეხვდებიან.

სუპერთასის ეგიდით ეს თბილისური კლუბების პირველი დაპირისპირება იქნება.

2020 წლის საქართველოს სუპერთასის შეხვედრის მთავარი არბიტრი გიორგი კიკაჩეიშვილი იქნება. ისტორიაში პირველად კი, მას ასისტენტობას ქართველი ქალი მსაჯი ქეთევან გაიპარაშვილი გაუწევს.

goal.ge