თავისუფალი სტილით ჭიდაობაში მსოფლიოს სამგზის ჩემპიონმა გენო პეტრიაშვილმა რომში გამართულ ევროპის ჩემპიონატზე ოქროს მედალი მოიპოვა. საქართველოს ნაკრების მძიმეწონოსანმა ფინალში ანგარიშით 11:0 დაამარცხა პოლონელი რობერტ ბარანი და მეორედ გახდა ევროპის ჩემპიონი.
გადამწყვეტ ბრძოლამდე პეტრიაშვილმა სამ მეტოქეს მოუგო: ესპანელ ხოსე კუბა ვასკესს (10:0), რუს ბალდან ციჟიპოვს (11:0) და უკრაინელ ოლეკსანდრ ხოციანივსკის (7:2).
საქართველოს თავისუფალი სტილით მოჭიდავეთა ნაკრებმა ევროპის 2020 წლის ჩემპიონატზე სულ ოთხი მედალი მოიპოვა და საერთო გუნდურ ჩათვლაში მესამე ადგილი დაიკავა, ორმოცდაათამდე ნაკრებს შორის. ბექა ლომთაძე (61 კგ) ფინალში დამარცხდა და ვერცხლს დასჯერდა. ავთანდილ კენჭაძე (74 კგ) და ელიზბარ ოდიკაძე (97 კგ) კი ბრინჯაოს პრიზიორები გახდნენ.
radiotavisufleva.ge
კომენტარები