fbpx
მსოფლიოსაქართველო

მელორ ვაჩნაძე საფრანგეთში მკვლელობის მცდელობის ბრალდებით დააკავეს

საფ­რან­გეთ­ში, ქა­ლაქ მონ­პე­ლი­ე­ში სა­ქარ­თვე­ლო­ში პო­ლიტ­პა­ტიმ­რის სტა­ტუ­სით გათავისუფლებული მე­ლორ ვაჩ­ნა­ძე და­ა­კა­ვეს. იგი უკვე 6 თვეა პა­ტიმ­რო­ბა­შია.

ვაჩნაძემ რამდენიმე დღის წინ საპატიმროდან ვიდეო გაავრცელა, სადაც მომხდარის შესახებ ჰყვება. მისი თქმით, ერთ-ერთ სუპერმარკეტში მომხდარ მკვლელობის ფაქტთან დაკავშირებით დააკავეს, თუმცა თავს უდანაშაულოდ მიიჩნევს და საფრანგეთს პოლიტიკურ დევნაში ადანაშაულებს.

Ambebi.ge-ს ინფორმაციით, მელორ ვაჩნაძეს არაბი მამაკაცის მკვლელობის მცდელობა ედება ბრალად. ამავე საქმეზე კიდევ ერთი დაკავებულია, რომელიც, გავრცელებული ინფორმაციით, იმ დროს დააკავეს, როდესაც საფრანგეთიდან პოლონეთში მიდიოდა.

„ბრალდება არის მკვლელობის მცდელობა. საქმე ეხება ქალაქ მონპელიეში, ჩემი სახლის მახლობლად მდებარე მაღაზიაში მომხდარ ფაქტს, სადაც მოხდა სროლა. ამბობენ, ქართველები იყვნენო. ამ შემთხვევიდან სამი თვის შემდეგ დამაკავეს. თვითმხილველი ამბობს, რომ მსროლელის სიმაღლე 170 სმ იყო, მე კი 2 მეტრი ვარ და არ ემთხვევა არაფერი. მაღაზიაში დამონტაჟებულია ვიდეოთვალი და შეუძლიათ გახსნან. მოსამართლე მეუბნება, რომ ვინაიდან მე ვიყავი აქტიური და საფრანგეთში ჩავატარე აქციები, შესაძლოა ხალხს დავეხმარო მიმალვაში და ამ გაუგებარი მოტივით ვიხდი სასჯელს. მე არ ვარ მსროლელი, საფრანგეთს ვთხოვ გაასაჯაროვოს მტკიცებულებები და თუ დამნაშავე ვარ გამასამართლონ, თუ არ ვარ, გამათავისუფლონ. ერთი წლის მანძილზე ვცხოვრობდი საფრანგეთში, დანაშაული არ ჩამიდენია. ვიყავი პოლიტიკურად აქტიური, ვეხმარებოდი ემიგრანტებს და სწორედ ეს არ აწყობდათ. ამიტომ საფრანგეთის მთავრობას ვადანაშაულებ დევნაში“, – ამბობს მელორ ვაჩნაძე ვიდეომიმართვაში და დახმარებას სთხოვს როგორც ქართულ არასამთავრობოებს, ისე საზოგადოებას.

აღსანიშნავია რომ, მე­ლორ ვაჩ­ნა­ძე 2019 წლის დასაწყისში გერ­მა­ნი­ა­ში ყოფნის დროსაც დააკავეს. მაშინ გავრცელებული ინფორმაციით, ამის მიზეზი მა­ღა­ზი­ა­ში მო­პა­რული ფეხ­საც­მელი გახდა, თუმცა ვაჩნაძემ უარყო ეს ფაქტი და განაცხადა, რომ მისი დაკავება მოხდა პას­პორ­ტის არ­ქო­ნის გამო და რომ მან იზოლატორში სამი დღე გა­ა­ტა­რა.

„საფრანგეთში დაკავებული საქართველოს მოქალაქის, მელორ ვაჩნაძის საქმესთან დაკავშირებით გაცნობებთ, რომ საქართველოს საელჩოს საკონსულო სამსახური კავშირზეა ბატონ ვაჩნაძესთან და მას სთავაზობს დახმარებას. მელორ ვაჩნაძემ თანხმობა განაცხადა საკონსულო მომსახურების მიღებაზე. შესაბამისი პროცედურების დასრულების შემდგომ, საკონსულო სამსახური თავისი კომპეტენციის ფარგლებში, დაიცავს მელორ ვაჩნაძის უფლებებს“, – განაცხადეს მელორ ვაჩნაძის დაკავების შესახებ ინფორმაციასთან დაკავშირებით საგარეო საქმეთა სამინისტროში.

მანანა ბანძელაძე

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close