მეგობრების დაგვიანების გამო ქართველმა მამაკაცმა იტალიაში 7-ვაგონიანი მატარებელი გააჩერა

იტალიაში მცხოვრები ქართველი ემიგრანტი როზეტა კიტოვანი სოციალურ ქსელში პოსტს აქვეყნებს. როგორც ირკვევა, ქართველმა გიორგი რამაზაშვილმა 7-ვაგონიანი მატარებელი იმ მეგობრების გამო გააჩერა, რომლებსაც სადგურზე აგვიანდებოდათ.

„იტალიელები იყვნენ (მემანქანეები)… ქუსლებზე შემდგარნი ვეღარ ვუსწრებდით მატარებელს. გაიქცა და 3 წუთით შვიდვაგონიანი მატარებელი გაგვიჩერა… და მერე კიდევ „დასამშვიდობებელ ცერემონიალზე“ ღიმილით როგორ გვიყურებდნენ მემანქანე, გამცილებელი და მგზავრები – ეს იყო სიყვარულით სავსე წუთები“, – წერს როზეტა კიტოვანი.