fbpx
საზოგადოებასაქართველოსპორტი

ალინა ბუტაევასა და ლუკა ბერულავას წყვილმა მოკლე პროგრამა მესამე ადგილზე დაასრულა

ლოზანაში (შვეიცარია), ზამთრის ახალგაზრდულ ოლიმპიურ თამაშებზე საქართველოს ნაკრების წევრთაგან პირველებმა ფიგურულმა მოციგურავეებმა ალინა ბუტაევამ და ლუკა ბერულავამ წყვილთა შეჯიბრზე იასპარეზეს.

ჩვენმა მოციგურავეებმა მოკლე პროგრამაში 59.14 ქულა დაიმსახურეს, რაც რვა წყვილს შორის მესამე საუკეთესო შედეგია. პირველ და მეორე ადგილებზე, შესაბამისად – 71.74 და 60.45 ქულით, რუსეთის წარმომადგენლები არიან.

ქართული წყვილი უახლოეს მდევრებს – ამერიკისა და კანადის წარმომადგენლებს თითქმის 10 ქულით უგებს, რაც იმას ნიშნავს, რომ 12 იანვარს თავისუფალ პროგრამაში წარმატებული გამოსვლის შემთხვევაში ალინა ბუტაევა და ლუკა ბერულავა ოლიმპიური თამაშების პრიზიორთა შორის მოხვედრის რეალურ შანსს ინარჩუნებენ.

1tv.ge

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close