განსაკუთრებული საჩუქარი ბუბა კიკაბიძეს

ქართველ მსახიობსა და მომღერალს ბუბა კიკაბიძეს განსაკუთრებული საჩუქარი ბელარუსის დედაქალაქში მოუმზადეს.

მინსკში გაიხსნა „ვარსკვლავების ხეივანი“ და დაიდგა პირველი ქანდაკებაც – ბუბა კიკაბიძის გმირის – ვალიკო მიზანდარის სკულპტურა გია დანელიას ფილმიდან „მიმინო“.

ქანდაკება თავად ქართველმა ხელოვანმა გახსნა, რომელიც ამ ღონისძიებისთვის მინსკში სპეციალურად ჩავიდა.

როგორც მომღერალმა აღნიშნა, „მიმინოს“ გმირების ძეგლები ბევრგან დგას – ერევანში, მოსკოვში, თბილისსა და ამერიკაშიც კი. ისინი რესტორნების სიახლოვესაა განთავსებული და ამიტომ ბევრს ჰგონია, რომ ეს რესტორნები ბუბა კიკაბიძის საკუთრებაა.

მინსკში ვიზიტი კონცერტით დასრულდა, რომელზეც ბუბასთან ერთად ნანი ბრეგვაძემაც იმღერა.

artinfo.ge