fbpx
მსოფლიოხელოვნებასაზოგადოება

პლასიდო დომინგომ სექსუალურ შევიწროებაში ბრალდებები უარყო

სექსუალურ შევიწროებაში დადანაშაულებულმა ესპანელმა საოპერო მომღერალმა და დირიჟორმა პლასიდო დომინგომ მის წინააღმდეგ გავრცელებული ბრალდებების შემდეგ პირველი ინტერვიუ ესპანურ ონლაინ ჟურნალს – EL CONFIDENCIAL-ს მისცა.

დომინგომ მის წინააღმდეგ გამოთქმული ბრალდებები უარყო. მისი თქმით, ის ყოველთვის გალანტურობით გამოირჩეოდა, დღეს კი ასეთ ჟესტებს განსხვავებულად აღიქვამენ.

დომინგომ აღნიშნა, რომ სკანდალის შემდეგ ლოს-ანჯელესის ოპერის გენერალური დირექტორის თანამდებობა კოლეგების  და პრესის მხრიდან წნეხისგან დაცვის მიზნით დატოვა. მომღერალმა ხაზი გაუსვა იმ ფაქტს, რომ მისთვის ოფიციალურად ბრალი არ წაუყენებიათ.

ლეგენდარული საოპერო მომღერალი სექსუალურ შევიწროებაში პირველად აგვისტოს დასაწყისში დაადანაშაულეს. 9 ქალი ამტკიცებდა,  რომ დომინგო მათ სექსუალური ურთიერთობის სანაცვლოდ კარიერულ წინსვლაში დახმარებას ჰპირდებოდა. მოგვიანებით დომინგო სექსუალურ შევიწროებაში კიდევ 11-მა ქალმა დაადანაშაულა.

imedinews.ge

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close