კონფერენცია ათენში საქართველოს თემატიკით – ახალგაზრდა ელჩის კიდევ ერთი ღონისძიება

12 მაისს ათენის მუნიციპალიტეტის მერიის კულტურის ცენტრში გაიმართება საქართველოს დამოუკიდებლობის დღისადმი მიძღვნილი ღონისძიება – კონფერენცია პოსტსაბჭოთა ეპოქის საქართველოსა და განხორციელებული დემოკრატიული რეფორმების შესახებ. ღონისძიების ორგანიზატორია საბერძნეთის რესპუბლიკაში საქართველოს ახალგაზრდა ელჩი ლიკა ჯანელიძე.

კონფერენციის თემები და მომხსენებლები: 

საქართველოს გზა საბჭოთა ტოტალიტარიზმისაგან გათავისუფლებიდან საპარლამენტო რესპუბლიკამდე; დემოკრატიული რეფორმები ქვეყნის მმართველობით სისტემებში – მომხსენებელი ლიკა ჯანელიძე;

საქართველოს ინოვაციური რეფორმა საჯარო მომსახურების სფეროში – მომხსენებელი ანა ხულუზაური;

პოლიციისა და თავდაცვის ძალების ცვლილებების მაგალითი საქართველოში – მომხსენებელი გიორგი გორაძე;

საქართველოს განათლების სისტემაში განხორციელებული რეფორმები და გამოწვევები – მომხსენებელი თეონა გავრეილიდი;

ჯანდაცვის რეფორმები საქართველოში – მომხსენებელი თათია ჩხაიძე.

კონფერენცის მეორე ნაწილში გაიმართება სპეციალური სემინარი საბერძნეთისა და საქართველოს ტურიზმის საკითხებზე – მომხსენებელი ლენა ქევხიშვილი.

ღონისძიების დასკვნით ნაწილში ახალგაზრდა ელჩის პროექტების ფარგლებში საქართველოს მეგობართა ჯგუფის წევრები და სტუმრები გაეცნობიან ქართული ტრადიციული სამზარეულოს რამდენიმე ნიმუშს და დააგემოვნებენ ქართულ ღვინოს.

მისამართი: ათენი, აკადემიის ქუჩა N50

მოიწონეთ და გააზიარეთ.

მსგავს თემაზე: ახალგაზრდა ელჩი ლიკა ჯანელიძე საბერძნეთში საქართველოს პოპულარიზაციას განაგრძობს

კომენტარები