პლაჟების მსოფლიო ტოპ-ათეული – „ბოცვრების პლაჟი“ იტალიურ ლამპედუზაზე საუკეთესოთა შორისაა
დამსვენებლებისთვის ყველაზე ლამაზი და საყვარელი პლაჟი მსოფლიოში ბაია დუ სანჩოა ბრაზილიაში, რომელსაც რეიტინგში მოსდევს ვარადეროს პლაჟი კუბაზე და იგლ ბიჩი არუბაზე – ორივე კარიბის აუზში.
მსოფლიოს საუკეთესო პლაჟების ათეულში შედის, აგრეთვე, „ბოცვრების პლაჟი“ (Spiaggia dei Conigli) კუნძულ ლამპედუზაზე (იტალია), ხმელთაშუა ზღვაში, რომელიც მსოფლიო რეიტინგში მე-9 ადგილზეა (ევროპულ რეიტინგში – მე-2-ზე). ევროპის ყველაზე აღიარებული პლაჟია La Concha Beach ბასკების ქვეყანაში (ესპანეთი) – ასეთია TripAdvisor Travellers Choice® Beaches Awards-ის 2019 წლის რეიტინგი, რომელიც, მოგეხსენებათ, ყოველ წელს დგება ვიზიტორთა გამოხმაურებების ხარისხისა და რაოდენობის, აგრეთვე, ბოლო 12 თვის განმავლობაში მთელ მსოფლიოში საერთაშორისო მოგზაურთა შეფასებების საფუძველზე.
მიმდინარე წელს ჯილდოები მსოფლიოს 352-მა პლაჟმა დაიმსახურა.
მსოფლიოში საუკეთესო პლაჟად 2019 წელს, როგორც ზემოთ აღვნიშნეთ, მიჩნეულია ბრაზილიური Baia do Sancho: მოგზაურები მას „სამოთხეს“ და „ოცნების ადგილს“ უწოდებენ. მეორე ადგილზეა კუბური ვარადერო, მესამეზე – იგლ ბიჩი არუბაზე (ნიდერლანდების სამეფოს ფედერაციული სუბიექტი, კუნძული კარიბის ზღვის სამხრეთ ნაწილში).
ევროპულ რეიტინგში ლიდერია ესპანური ლა კონჩა სან სებასტიანში (ბასკეთი), მას მოსდევს იტალიური ბოცვრების პლაჟი კუნძულ ლამპედუზაზე, მესამეზე კი – პორტუგალიური ფალესია ოლიუშ დე აგუაში (Olhos de Água).
სიცილიაზე, ლამპედუზის პლაჟის გარდა, კიდევ არის ერთი პლაჟი, რომელმაც ევროპულ ტოპ-ათეულში მე-9 ადგილი დაიკავა – კალა როსა ფავინიანში. ეს პლაჟი იტალიურ რეიტინგში მეორე ადგილზეა.
იტალიის 10 საუკეთესო პლაჟის საპატიო სია კი ასე გამოიყურება:
კომენტარები