fbpx
newsსპორტი

მსოფლიოს ხუთგზის ჩემპიონი ჭადრაკში ნონა გაფრინდაშვილი კიდევ ექვსგზის მსოფლიო ჩემპიონია

სლოვენიის ქალაქ ბლედში დღეს ვეტერან მოჭადრაკეთა მსოფლიო ჩემპიონატის ბოლო ტურის პარტიები მიმდინარეობს. ნონა გაფრინდაშვილმა უკვე დაასრულა პარტია ინგლისელ დინაჰ ნორმანთან – მისი მოწინააღმდეგე იძულებული გახდა 74-ე სვლაზე დანებებულიყო. ინფორმაციას „აიპრესი“ ავრცელებს.

გაფრინდაშვილმა ტურნირზე 11 პარტიიდან 6 მოიგო, ხუთი ყაიმით დაასრულა და 8,5 ქულით პირველი ადგილი დაიკავა – ნონამ ამ გამარჯვებით +65 წლის ქალ ვეტერან მოჭადრაკეთა შორის მსოფლიო ჩემპიონის წოდება უკვე მეექვსედ მოიპოვა.

კიდევ ერთი აღსანიშნავი ფაქტი: 77 წლის ნონა გაფრინდაშვილი ყველაზე უხუცესია მათგან, ვისაც ვეტერანებს შორის მსოფლიო ჩემპიონობა აქვს მოპოვებული.

+50 წლის კაც ვეტერან მოჭადრაკეთა მსოფლიო ჩემპიონატზე კი ქართველი მოჭადრაკეები, 2016 წლის მსოფლიო ჩემპიონი გიორგი ბაღათუროვი და 2014 წლის მსოფლიო ჩემპიონი ზურაბ სტურუა ამჯერად მეორე და მესამე ადგილებით დაკმაყოფილდნენ.

კომენტარები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close