ცნობილი ტელემოძღვარი, რომელიც მაყურებელს აცრის ნაცვლად ლოცვას ურჩევდა, კოვიდით გარდაიცვალა
ამერიკის შეერთებულ შტატებში კონსერვატიული ქრისტიანული სატელევიზიო არხის, „დეისტარ ნეთვორკის“ ტელემოძღვარი მარკუს ლემბი კოვიდით გარდაიცვალა. იგი ცნობილი იყო თავისი ანტივაქსერული გამოსვლებით და მაყურებელს მოუწოდებდა, ვაქცინაციის ნაცვლად ელოცათ.
მას შემდეგ, რაც 64 წლის მარკუს ლემბი კოვიდ-19-ით დაავადდა, მისი მეუღლე არხის აქტიურ მსმენელებს მოუწოდებდა, ელოცათ, რომ მისი ფილტვები კოვიდის პნევმონიისგან გასუფთავებულიყო და ჟანგბადის დონე ყოფილიყო მაღალი და ზემოთ აეწია: „რათა შევძლოთ, იგი ჟანგბადისგან მოვხსნათ და სახლში დავაბრუნოთ“, – თქვა მან, თუმცა ამან შედეგი არ გამოიღო. მარკუს ლემბს, დიაბეტის ფონზე, მალევე დაეწყო კორონავირუსით გამოწვეული გართულებები და მისი გადარჩენა ექიმებმა ვერ შეძლეს. იგი ინტენსიური თერაპიის განყოფილებაში გარდაიცვალა ინფიცირებიდან რამდენიმე კვირაში. შვილმა კი, ჯონათან ლემბმა მამის დაინფიცირება „მტრის სულიერ თავდასხმად“ შეაფასა, რომელიც მარკუს ლემბის „განადგურებისკენ“ იყო მიმართული.
ცნობილი ტელემოძღვრის გადაცემაში ხშირად მონაწილეობდნენ მისი მეუღლე და შვილები.
ტელემოძღვარი კორონავირუსით საკუთარი მეუღლისგან დაინფიცირდა.
It’s with a heavy heart we announce that Marcus Lamb, president and founder of Daystar Television Network, went home to be with the Lord this morning. The family asks that their privacy be respected as they grieve this difficult loss. Please continue to lift them up in prayer. pic.twitter.com/EVujL8zotG
— Daystar Television (@Daystar) November 30, 2021
მარკუს ლემბი ცნობილ ქსელს Daystar Television Network-ს ხელმძღვანელობდა, რომელსაც კორონავირუსსა და პანდემიაზე დეზინფორმაციის გავრცელების პლატფორმასაც უწოდებენ. იგი არხის თანადამფუძნებელიც იყო.
ნუცა ყაველაშვილი
კომენტარები