საქართველოს იუსტიციის მინისტრობის კანდიდატი ჰააგის სისხლის სამართლის საერთაშორისო სასამართლოში აირჩიეს

საქართველოს იუსტიციის მინისტრობის კანდიდატი გოჩა ლორთქიფანიძე ჰააგის სისხლის სამართლის საერთაშორისო სასამართლოს (ICC) მოსამართლედ აირჩიეს.

ეს საქართველოს მიერ წარდგენილი კანდიდატის ICC-ის კოლეგიის წევრად არჩევის პირველი შემთხვევაა. ლორთქიფანიძემ კენჭისყრის მეორე რაუნდში 76 ხმა მიიღო. მისი უფლებამოსილება ამ პოსტზე 9 წლის ვადით არის განსაზღვრული.

გოჩა ლორთქიფანიძე თეა წულუკიანის გადადგომის შემდეგ იუსტიციის მინისტრის მოვალეობის შემსრულებელი იყო. იგი იუსტიციის მინისტრობის კანდიდატად პრემიერ-მინისტრმა პარლამენტს 18 დეკემბერს წარუდგინა.