საქართველოს საელჩო ბრიტანეთში მყოფი მოქალაქეებისთვის კოვიდ-19-ის საწინააღმდეგო ზომების გამკაცრების შესახებ ინფორმაციას ავრცელებს

15/12/2020

182 Less than a minute

გაერთიანებულ სამეფოში საქართველოს საელჩო ბრიტანეთში მყოფი საქართველოს მოქალაქეებისთვის კორონავირუსის გავრცელების წინააღმდეგ რეგულაციების გამკაცრების შესახებ ინფორმაციას ავრცელებს.

„კორონავირუსის შემთხვევების მატების გამო, 16 დეკემბრიდან ლონდონში, ასევე ესექსისა და ჰერდფორდშირის საგრაფოების ნაწილში „კოვიდგანგაშის“ მესამე, „ძალიან მაღალი“ დონე იქნება შემოღებული.

მესამე, „ძალიან მაღალი“ დონე მოიცავს შემდეგს:
• დახურულ და ღია სივრცეში ოჯახების შეევის აკრძალვა, გამონაკლისია ე. წ. „მხარდამჭერი წრის“ წევრები. არაუმეტეს ექვსი პირის შეკრება მხოლოდ საჯარო ღია სივრცეში;
• სტუმართმოყვარეობის სექტორი იხურება;
• სახლიდან მუშაობა, სადაც ეს შესაძლებელია;
• ყველა სახის სავაჭრო ობიექტი და საგანმანათლებლო დაწესებულება, ასევე, გამაჯანსაღებელი (გარდა ჯგუფური აქტივობებისა), გასართობი (გარდა დახურულისა) ღიაა;
• სპორტული, ცოცხალი შესრულების და ბიზნეს ღონისძიებების ჩატარება დაუშვებელია;
• პირმა არ უნდა დატოვოს ის ზონა, სადაც „ძალიან მაღალი“ დონის შეზღუდვები მოქმედებს“, – წერს საქართველოს საელჩო.

უწყება ასევე განმარტავს, რომ რეგულაციების შესახებ დეტალური ინფორმაციის ნახვა შესაძლებელია ბმულზე: https://www.gov.uk/government/news/london-south-essex-and-south-hertfordshire-to-move-to-tier-3-restrictions